| e-texts navigator |
| Wylie |
391b1 བཞིན་དུ་བསད་པ་དང་། བསྐྲད་པ་ལ་སོགས་པ་སྔགས་པ་ཁྲོས་པས་དཔལ་རྡོ་རྗེ་འཇིགས་བྱེད་ཆེན་པོའི་སྦྱོར་བ་ལ་གནས་པའི་རྣལ་འབྱོར་གྱིས་བྱ་སྟེ། དང་པོ་ཁོ་ནར་སྔགས་བས་རེ
391b2 ཞིག་གནོད་མཛེས་སུ་བྱ་སྟེ། དེ་ཅིའི་ཕྱིར་ཞེ་ན། རྣལ་འབྱོར་གཙོ་བོ་ཡིན་པའི་ཕྱིར་རོ། །རྣལ་འབྱོར་གྱི་རྒྱུད་ལ་ལྷའི་སྦྱོར་བ་དང་ལྡན་པས་ཐོག་མར་ནི། དེ་བྱ་སྟེ། དེ་སྦྱོར་བའི་གཙོ་བོ་ཡིན
391b3 པའི་ཕྱིར་རོ། །དེ་ལ་འདིའི་ལས་ནི། ཇི་ལྟར་བསད་པར་འདོད་པའི་སྔགས་པས་དུར་ཁྲོད་ཀྱི་རས་ལ་དུག་དང་། ཁྲག་དང་། ལན་ཚྭ་དང་། སྐེ་ཚེ་དང་། ནིམ་པ་དང་། དྷ་དུ་རའི་ཁུ་བས་རྡོ་རྗེ
391b4 འཇིགས་བྱེད་ཆེན་པོའི་འཁོར་ལོ་ལེ་ཚེ་བཅུ་དྲུག་པ་བྱ་རོག་ཆེན་པོའི་སྒྲོ་རྩའི་སྨྱུ་གུའམ། མིའི་རུས་པའི་སྨྱུ་གུས་གཅེར་བུ་སྐྲ་བཤིག་པས་ཁ་ལྷོར་བལྟས་ཏེ་མ་ཧེའི་གདོང་གི་སྦྱོར
391b5 པས་བྲི་བར་བྱའོ། །མེ་གཉིས་ཀྱི་དབུས་སུ་བསྒྲུབ་བྱའི་མིང་དང་བཅས་པར་བཞག་ལ་དེ་ཡི་གེ་བཅུ་པས་བསྐོར་ཞིང་ཧཱུཾ་བརྒྱད་བྲི། ཟུར་རྣམས་སུ་ཕཊ་ཀྱི་ཡི་གེ་རྣམས་བྲི། བདག་ཉིད
391b6 ཚ་བའི་མར་གྱིས་ལུས་བྱུགས་ལ་ཐོད་པ་གཉིས་ཀྱི་དབུས་སུ་འཁྲུལ་འཁོར་རབ་ཏུ་བཅུག་ལ་སྒྱེད་བུ་གསུམ་གྱི་སྟེང་དུ་བཞག་ནས་དུར་ཁྲོད་ཀྱི་མགལ་བས་མེ་རབ་ཏུ་སྤར་ཏེ། རྐང་པ
391b7 གཡོན་པས་མནན་ལ་ཡི་གེ་བཅུ་པའི་སྔགས་བཟླའོ། །དེས་སྐད་ཅིག་གིས་ཐེ་ཚོམ་མེད་པར་འཆིའོ། །གཞན་ཡང་རིམས་ཀྱིས་ཐེབས་པར་འདོད་ན། འཁོར་ལོ་དེ་ཉིད་མིའི་ཉ་ཕྱིས་གཉིས
iiif viewer powered by OpenSeadragon
