| e-texts navigator |
| Wylie |
389b1 རྒྱུད་ཅེས་བྱ་བ། དཔལ་རྡོ་རྗེ་འཇིགས་བྱེད་ཆེན་པོ་ཁྲོས་པའི་རྒྱལ་པོ་ཆེན་པོ་ལ་ཕྱག་འཚལ་ལོ། །དེ་ནས་རྡོ་རྗེ་འཇིགས་བྱེད་ཀྱི། །སྒྲུབ་པ་ཡང་དག་རབ་བཤད་དེ། །དེ་ནི་ལྷ་རྣམས་ཐམས་ཅད་ལ།།
389b2 དྲག་ཤུལ་ཆེ་ཞིང་འཇིགས་པར་བྱེད། །དེ་ལ་ཐོག་མར་སྔགས་པས་ཡིད་དུ་འོང་བའི་གནས་གང་ཡང་རུང་བའི་གནས་ལ་དགོད་པ་ཐམས་ཅད་བསྒྲུབ་པར་བྱའོ། །དེ་ལ་གནས་གསུངས་པ་ནི། །དུར་ཁྲོད
389b3 དམ|་ཆུ་ཀླུང་གི་འགྲམ་མམ། ཤིང་གཅིག་གམ། མཚན་མ་གཅིག་པའམ། བཞི་མདོའམ། རིའི་རྩེ་མོའམ། ཁང་སྟོང་ངམ། མ་མོའི་ཁྱིམ་མམ། ལྷའི་ཁང་པའམ། འཐབ་མོའི་གནས་སམ།
389b4 གྲོང་ཁྱེར་རམ། ནགས་ཁྲོད་དམ། །གྲོང་ལ་སོགས་པའི་གནས་སུ་སྔགས་པ་གནས་ཏེ། རྡོ་རྗེ་འཇིགས་བྱེད་ཆེན་པོའི་རྡོ་རྗེའི་འཁོར་ལོའི་མིང་གི་རྒྱུད་འདིར་དབང་བསྐུར་བའི་རྣལ་འབྱོར་པས
389b5 དབང་དང་། དགུག་པ་དང་། བསད་པ་དང་། བསྐྲད་པ་དང་། དབྱེ་བ་དང་། རེངས་པ་དང་། རལ་གྲི་དང་། མིག་སྨན་དང་། ས་འོག་དང་། རིལ་བུ་དང་། གསེར་འགྱུར་དང་། བཅུད་ཀྱིས་ལེན་པ
389b6 དང་། ནོར་དང་། འབྱུང་པོ་དང་། རོ་ལངས་དང་། ཤ་ཟ་དང་། གནོད་སྦྱིན་དང་། གནོད་སྦྱིན་མོ་དང་། ཀླུ་ལ་སོགས་པའི་ཆོ་ག་འདིས་བསྒྲུབ་པར་བྱའོ། །དེ་ལ་ཆོ་ག་ནི། དང་པོར་རེ་ཞིག་སྔགས
389b7 པ་ཨས་རོ་བསྲེགས་པའི་ཐལ་ཆེན་གྱིས་ལུས་བྱུགས་ཏེ་མཚན་ཕྱེད་ན་གཅེར་བུ་སྐྲ་བསིལ་བ་བྱས་ལ་འཕགས་པ་མ་ཧེའི་གདོང་ཅན་གྱི་རྣལ་འབྱོར་གྱིས་དུར་ཁྲོད་ལ་སོགས་པར་དཀྱིལ
iiif viewer powered by OpenSeadragon
