| e-texts navigator |
| Wylie |
254b1 སྤྱི་བོ་ལ་སོགས་གནས་ལྔ་རུ། །སྦྲུལ་གྱིས་ཡོངས་སུ་བཅིངས་པར་བྱ། །རང་ཉིད་དཀྱིལ་འཁོར་ཤར་སྒོ་རུ། །འདུག་པས་སྦྱོར་བ་བརྩམ་པར་བྱ། །དེ་ནས་དང་པོ་བླ་རེ་གང་། །སྟེང་དུ་ངེས་པར་ཕུབ
254b2 བྱས་ལ|་|ཟུར་བཞི་དག་ཏུ་བདན་བཞི། །སྔོན་པོས་ཡོངས་སུ་དཔྱང་བར་བྱ། །བླ་རེ་དག་གི་དཀྱིལ་དག་ནས། །སྐུད་པ་ལ་བརྒྱུས་མེ་ཏོག་གི་།ཕྲེང་བ་ཡོངས་སུ་དཔྱང་བར་བྱ། །དེ་ནས་སྔ་མའི
254b3 ཚུལ་གནས་ལ། །གོང་དུ་བསྟན་པའི་གནས་རྣམས་སུ། །བདག་གི་ལས་འདི་ངེས་པར་བརྩམ། །གཏོར་མའི་ལས་རྣམས་ཀུན་རྫོགས་དང་། །མཆོད་པ་རྣམ་པ་ལྔ་རྣམས་དང་། །སེང་ལྡེང་ཕུར
254b4 པ་སོར་བརྒྱད་ལ། །སྔགས་འདི་ཡིས་ནི་ཡང་དག་བསྔགས། །ོཾ་བཛྲ་ཀཱི་ལ་ཡ་སརྦ་བི་གྷཾ་ཧ་ན་ཧ་ན་ཧཱུཾ་ཕཊ། ཨོཾ་བཛྲ་པཉྩ་ཛྙཱ་ན་ཤོ་དྷ་ཡ་སརྦྦ་ཙཀྵུ་ཀ་ར་ཡ་ཧཱུཾ། སྔགས་དེ་དག་གིས་ཕུར
254b5 པུ་དང་། །སྐུད་པ་ལྔ་ལ་ལན་གྲངས་ནི། །ཉི་ཤུ་རྩ་གཅིག་བཟླས་བྱས་ལ། །ཙནྡན་ལ་སོགས་དྲི་ལྔ་ཡིས། །གོས་པྲ་ཡང་དག་བཅང་བར་བྱ། །དེ་ནས་སྔགས་པ་བློ་ལྡན་པས། །བདག་ཉིད
254b6 སྲུང་བའི་འཁོར་ལོ་བརྩམ། །རང་གི་ཕྱི་རོལ་མཚམས་སུ་ནི། །མི་འགྱུར་ལས་ནི་བསིལ་ལྡན་སྒོམ། །དེ་སྟེང་སྡུད་པའི་དངོས་པོ་གན། །ཁ་དོག་ནག་པོ་ཡང་དག་བསམ། །དེ་ལས་ཁྱབ་བྱེད
254b7 རིགས་ལྔ་པ། །ཡང་དག་པར་ནི་བསམ་པར་བྱ། །དེ་ནས་ཡོངས་སུ་རྫོགས་པ་ལས། །བདུད་རྩི་འཁྱིལ་པར་དག་བསམ་སྟེ། །རྡོ་རྗེ་སྡིགས་མཛུབ་ཕྱག་རྒྱ་ཡིས། །སྔགས་བཟླས་པས་ནི
iiif viewer powered by OpenSeadragon
