| e-texts navigator |
| Wylie |
254a1 @#། །སུ་བྲི|་|འཁོར་ལོའི་འོག་ཏུ་གནས་བྱ་བ། །ཆོས་འབྱུང་ཕྱག་རྒྱ་ངེས་པར་བྲི། །ཐབས་དང་ཤེས་རབ་ལྡན་པ་ལ། །ཀུན་འབྱུང་ཡུལ་དུ་ངེས་པར་གསལ། །རྟེན་འབྲེལ
254a2 ཡང་དག་འབྱུང་བ་ཡིས། །ཀུན་རྫོབ་ལ་ནི་དོན་དམ་བརྟེན། །རྟེན་པ་ཉིད་དུ་ཡང་དག་གནས། །དེ་བས་སྣང་བ་མི་གསལ་བར། །ཆོས་འབྱུང་ཕྱག་རྒྱ་ངེས་པར་ཡང་། །རྒྱས་པ་ལ་སོགས་མ
254a3 ཡིན་གྱི|་|དྲག་པོའི་དཀྱིལ་འཁོར་ཡིན་པ་དང་། །དེ་བཞིན་དབྱིབས་སུ་རང་གསལ་བ། །དྲན་དང་བཅས་པས་བྲི་བར་བྱ། །མཐུ་དང་ལྡན་པའི་གང་ཟག་ལ། །སྟོབས་ནི་ཤིན་ཏུ་ངེས་པར་སྐྱེ། །
254a4 དཀྱིལ་འཁོར་ལྷ་གཉིས་མངོན་བསྒྲུབས་བས། །ལུས་ལ་གཟི་བརྗིད་འཇུག་པའོ། །རྡོ་རྗེ་མེ་ལྕེའི་རྒྱུད་ལས། །དཀྱིལ་འཁོར་དང་ལྷའི་ལེའུ་སྟེ་གསུམ་པའོ།། །།ལག་ན་རྡོ་རྗེ
254a5 གོས་སྔོན་གྱིས། །འཇིག་རྟེན་མགོན་ལ་འདི་སྐད་གསོལ། །དཀྱིལ་འཁོར་ལྷ་རྣམས་དགྱེས་བྱ་བ། །ཐབས་དེ་གང་ལགས་གསུང་དུ་གསོལ། །ནང་གི་བདག་ཉིད་ཅན་དང་ཡང་། །ཕྱི་ཡི་ཁྲུས
254a6 སོགས་རབ་བྱས་ལ། །རབ་གསལ་ལ་སོགས་རྒྱུན་བཅད་ནས། །གང་ཡང་རུང་བའི་ལོ་ཉིད་ལ། །སྟོན་ཟླར་བ་ནས་བརྩམས་ནས། །ལྷ་མིན་བླ་དང་མེ་ཏོག་གི་།དྲག་པོ་དང་པོ་དེ་ཉིད་ལ།
254a7 །བདག་གིས་སྦྱོར་བ་ངེས་པར་བརྩམ། །དང་པོ་བདག་ཉིད་ལུས་ཉིད་ལ། །རྒྱན་ཆ་ལྔ་ཡིས་རབ་བརྒྱན་ཏེ། །ལུས་ལ་གོས་དག་སྔོན་པོ་ཉིད། །བླ་གོས་སྨད་གཡོགས་ཡང་དག་བཅིངས། །
iiif viewer powered by OpenSeadragon
