| e-texts navigator |
| Wylie |
253a1 @#། །གཡོན་དུ་གཟིགས་པ་ཡིས། །ཧ་ལ་ཧ་ལའི་སྒྲ་ཡང་སྒྲོག་།གཞན་ཡང་ལྷ་རྣམས་དེ་དག་ཀུན། །ཐོད་པ་ལྔ་ཡིས་རྒྱན་བྱས་ནས། །རྒྱན་ཆ་ལྔ་དང་ཡང་དག་ལྡན། །
253a2 ཀུན་ཀྱང་སྟག་གི་པགས་པ་ཡིས། །སྨད་ནི་ཡོངས་སུ་དཀྲིས་པ་ཡིན། །དེ་སྟེང་གདན་ནི་རབ་གནས་པ། །གཙོ་བོ་གཉིས་ལ་ཉི་ཟླ་ཡིས། །ཕྲག་པ་ཉིད་ལ་འཁོར་བར་རྒྱུ། །ཚངས་པ་དབང་པོ་ལྷ
253a3 ཆེན་གཉིས། །ཞབས་གྱིས་ཡོངས་སུ་མནན་པ་ཡིན། །ཤར་གྱི་ལྷ་ཆེན་རྣམ་རྒྱལ་ཉིད། །ཀེང་རུས་སྟེང་ན་བཞུགས་པ་བཞིན། །གཞན་ཡང་དེ་ལྟར་གནས་པ་ཡིན། །ས་བོན་གནས་བ་གང
253a4 ཡིན་པ|་|སྒྲ་དང་བཅས་པ་ཤེས་པར་བྱ། །དང་པོ་གཙོ་བོ་སྐྱེད་བྱེད་གང་། །ཧཱུཾ་ལས་ངེས་པར་རྫོགས་བྱ་ཞིང་། །གཞན་རྣམས་འདི་ལས་འབྱུང་བར་བསམ། །ཧཱུཾ་མཾ་བཾ་ཨཾ། ཡཾ་བཾ་ཌཾ་བྷཾ།
253a5 བྲཾ་མཾ་སཾ་ཤཾ། པྲཾ་ཤཾ་རཾ་ལཾ། དེ་དག་ལས་བྱུང་སྔགས་པ་ཡིས། །འོད་དང་བཅས་པར་བ་དེར་གཤེགས་ཀྱི། །ཞལ་ནས་འབྱུང་བར་ཡང་དག་ལྡན། །དེ་ལས་རགས་པ་གང་ཞིག་གིས། །
253a6 འབར་འཕྲོ་ངེས་པར་བསྐྱེད་པར་བྱ། །དང་པོ་ཀུན་ཀྱང་གཅིག་པ་ཡིས། །བཾ་ལས་གྱུར་པ་སྣ་ཚོགས་པ། །ཡང་དག་པར་ནི་བསྐྱེད་པར་བྱ། །དེ་འོག་ཀཾ་ལས་རབ་བསྐྱེད་པས། །སྐམ་པོར
253a7 ཡོངས་སུ་བརྟག་པ་ཡིན། །དེ་དག་རབ་རྫོགས་སྔགས་པ་ཡིས། །སྐུ་རུ་ཡོངས་སུ་རྫོགས་བྱས་ལ། །བདག་གིས་རྣལ་འབྱོར་ཡང་དག་འགྲུབ། །དེ་ནས་སྔགས་པ་བློ་ལྡན་པས། །རིགས་སུ
iiif viewer powered by OpenSeadragon
