| e-texts navigator |
| Wylie |
252a1 @#། །རྔམ་པ་ཁྲོ་གཉེར་བརྗིད་པའི་ཞལ། །གཡས་བསྐུམ་གཡོན་བརྐྱང་སྟངས་སྟབས་ཚུལ། །ཕྱག་གཉིས་བྲང་དུ་རལ་བསྣོལ་ཏེ། །གཡོན་དུ་ངེས་པར་ཅུང་ཟད་གཟིགས
252a2 ལྷོར་བལྟས་ཡང་དག་དགོད་པར་བྱ། །བྱང་ཤར་རྡོ་རྗེ་གནོད་སྦྱིན་ཏེ། ཁ་དོག་དམར་ནག་འཇིགས་པ་ལ། །གཡས་བརྐྱང་གཡོན་བསྐུམ་རབ་བཞུགས་ནས། །ཕྱག་གཡས་གྲི་གུག་རྣོན་པོ་འཕྱར།།
252a3 གཡོན་པ་ཅང་ཏེའུ་དྲག་པོ་བརྡུང་། །གཙོ་བོ་ལ་བལྟས་དགོད་པར་བྱ། །ཤར་ལྷོ་རྡོ་རྗེ་རོ་ལངས་ཉིད། །ཁ་དོག་སྔོན་སྐྱ་རབ་འབར་ལ། །མི་བཟད་འབར་བ་འཇིགས་པའི་གཟུགས། །ཅུང
252a4 ཟད་གཡས་སུ་ངེས་པར་གཟིགས། །གཡས་བརྐྱང་གཡོན་བསྐུམ་ཚུལ་གནས་ཏེ། །རྡོ་རྗེ་ལྕགས་སྒྲོག་རབ་བཟུང་ནས། །གོང་སྲིན་ལ་སོགས་གསུམ་པོ་རྣམས། །དམ་པོར་བཀུག་པས་ཡོངས་སུ
252a5 བསྡམས། །མཐེབ་མཛུབ་བཞི་རྣམས་རབ་བརྐྱང་སྟེ། །སྤྱི་བོར་ངེས་པར་བསྣོལ་བར་བསྣམས། །ལྷོ་ནུབ་རྡོ་རྗེ་མཁའ་འགྲོ་སྟེ། །ཁ་དོག་དམར་སྐྱ་ཉིད་ལ་ཡང་། །ཤིན་ཏུ་མི་བཟད་འཇིགས
252a6 བའི་གཟུགས། །ཞབས་གཉིས་མཐིལ་སྦྱར་བཙུགས་པ་ལ། །ནམ་མཁའ་གྲུ་བཞི་པ་རུ་འདོད། །ལག་གཉིས་སྦྱི་བོར་ཐལ་སྦྱར་ནས། །མེ་ལྕེ་འབར་བ་ཡོངས་སུ་འཛིན། །ཐོད་པ་ལྔ་ཡིས
252a7 མགོ་བརྒྱན་པ། །གཙོ་བོ་ལ་བལྟས་དགོད་བར་བྱ། །ནུབ་བྱང་བཞི་པའི་མཚམས་སུ་ཡང་། །རྡོ་རྗེ་འཇིགས་བྱེད་ཅེས་བྱ་བ། །ཁ་དོག་ནག་པོ་འཇིགས་པའི་གཟུགས། །ཞལ་གསུམ་ཕྱག་ནི
iiif viewer powered by OpenSeadragon
