| e-texts navigator |
| Wylie |
251b1 ཤར་དུ་ཁམས་གསུམ་རྣམ་རྒྱལ་ཉིད། །ཡང་དག་པར་ནི་བྲི་བྱ་སྟེ། །ཁ་དོག་དམར་པོ་ཉིད་ལ་ཡང་། །དབུ་གསུམ་ཕྱག་ནི་དྲུག་པའི་དབྱིབས། །ཞབས་བཞི་བརྐྱང་བསྐུམ་ཚུལ་དུ་བཞུགས། །ཕོ
251b2 ནི་རྡོ་རྗེ་ངེས་པ་ལས། །མོ་ནི་དགྲ་སྟ་ཡང་དག་ལྡན། །བར་མ་གཉིས་ཀྱིས་འཆིང་བྱེད་པ། །གུང་མོ་མཐེ་བོང་ངེས་མདུད་ནས། །གཞན་རྣམས་ཡོངས་སུ་བརྐྱང་བ་ཡིན། །དེ་ཉིད་སྙིང་པོ་གང
251b3 ཡིན་པ|་|སྙིང་གར་ཡང་དག་བཟུང་བྱས་ནས། །དེ་འོག་ཕོ་ཡིས་ཞགས་པ་འཛིན། །མོ་ཡིས་དྲིལ་བུ་བཟུང་བྱས་ཕ། །དང་བོ་ཉིད་ལ་དགོད་པར་བྱ། །ལྷོ་རུ་ནག་པོ་ཆེན་པོ་ཉིད། །ཁ་དོག
251b4 དུད་སྤྲིན་ལྟ་བུ་ལ། །ཞལ་གཅིག་ཕྱག་ནི་གཉིས་པའི་དབྱིབས། །ཕོ་ཉིད་ཙནྡན་བདེ་ཆེན་བསྣམས། །མོ་ནི་ཞགས་པ་ཡོངས་སུ་འཛིན། །ཁྲོ་ཞལ་གཟིགས་པ་མི་བཟད་པས། །ཕྱོགས
251b5 བཅུ་རྣམས་སུ་རབ་ཏུ་གཟིགས། །དེ་ཉིད་མགོན་པོ་གང་ཡིན་པ། །ཕྱོགས་གཉིས་པར་ནི་རབ་ཏུ་དགོད། །ནུབ་ཕྱོགས་གསུམ་པར་དགོད་བྱ་བ། །ལུས་ངན་སྲས་པོ་སྟོབས་པོ་ཆེ། །ཁ་དོག
251b6 ལྗང་གུ་ཉིད་ལ་ཡང་། །ཅུང་ཟད་སྤྱན་ནི་རྒྱས་པ་ཉིད། །ཞལ་གཅིག་ཕྱག་ནི་གཉིས་པ་ལ། །སྤྱི་བོར་རྡོ་རྗེ་རྨོག་གིས་བརྒྱན། །གཡས་པ་ཉིད་ལ་རྡོ་རྗེ་ཅན། །གཡོན་པ་ནེའུ་ལའི་རྐྱལ་པ་འཛིན། །
251b7 ཞབས་གཉིས་དྲང་པོར་རབ་གནས་ཏེ། །ཤར་ཕྱོགས་བལྟས་པས་ཡོངས་སུ་གནས། །བྱང་ཕྱོགས་བཞི་བར་དགོད་བྱ་བ། །བདུད་རྩི་འཁྱིལ་པ་ཡོངས་སུ་གནས། །ཁ་དོག་སྔོན་པ་དེ་ཉིད་ལ། །
iiif viewer powered by OpenSeadragon
