| e-texts navigator |
| Wylie |
251a1 @#། །རིགས་མཐུན་བླང་། །ཡོངས་སུ་བསྡུས་བྱས་ངེས་པར་བྱ། །གཉིས་པ་གཉིས་པ་ཉིད་དུ་ངེས། །གསུམ་པ་གཅིག་གི་ཚད་དང་ལྡན། །དེ་ལྟར་ཚད་དུ་ལྡན་པ་ལས། །
251a2 ཤིན་ཏུ་མཉམ་པར་འཐས་པར་བྱ། །དེ་ཉིད་རྗེས་སུ་འཇུག་པ་ཡིས། །དང་པོའི་སྲད་བུ་གང་ཡིན་པས། །ཁ་དོག་སེར་པོའི་ཐིག་གདབ་བྱ། །དཀྱིལ་འཁོར་དགུ་རུ་ངེས་པ་ལས། །འབྲུ
251a3 དང་ས་དང་རིན་ཆེན་དང་། །ཕྱེ་མ་ཉིད་དུ་བཏགས་པ་ཡིས། །དཀྱིལ་དུ་པདྨ་བཅུ་དྲུག་པ། །འདབ་མར་ལྡན་པར་བྲི་བར་བྱ། །ཤར་དང་ལྷོ་དང་ནུབ་བྱང་དང་། །མཚམས་རྣམས་སུ་ཡང་དེ་བཞིན
251a4 བྲི|་|ལེ་ཚེའི་པདྨ་གང་ཡིན་པ། །སྣ་ཚོགས་པར་ནི་ཡང་དག་བཤད། །མཚམས་རྣམས་སུ་ནི་མཆོད་པ་ཡི། །ལྷ་མོ་ཡོངས་སུ་དགོད་པར་བྱ། །སྒོ་བཞི་དག་ཏུ་ཁྲོ་མོ་བཞི། །སྦྱོར་བས་ཡང
251a5 དག་དགོད་པར་བྱ། །རིན་ཆེན་ཕ་གུ་འདོད་ཡོན་དང་། །དྲ་བ་དྲ་ཕྱེད་ཡང་དག་ལྡན། །ཏྭ་ར་ན་ནི་བཞིས་བརྒྱན་ཅིང་། །སྣ་ཚོགས་རྡོ་རྗེ་གཞིར་གནས་ཡིན། །གདུགས་དང་རི་དྭགས་གང་ཡིན
251a6 པ|་|རྒྱན་རྣམས་ཀུན་གྱིས་རྣམ་པར་སྒེག་། སྔགས་པ་བྱང་ཆུབ་བློ་ལྡན་པས། །ཀེང་རུས་ཕྲེང་བ་ཉིད་དང་ཡང་། །སྦྲུལ་མགོའི་ཕྲེང་པས་རྣམ་པར་བརྒྱན། །རྡོ་རྗེ་སྣ་ཚོགས་རབ་འབར
251a7 བའི|་|ཕྲེང་བས་ཕྱི་རོལ་ལེགས་པར་བསྐོར། །ཟུར་བཞི་དག་ཏུ་བུམ་པ་བཞི། །རྒྱན་གྱིས་རྫོགས་པར་ཡང་དག་བྲི། །དེ་དཀྱིལ་ཕྱག་ན་རྡོ་རྗེ་ཉིད། །སྔ་མའི་ཚུལ་གྱིས་ཡོངས་སུ་གནས།།
iiif viewer powered by OpenSeadragon
