| e-texts navigator |
| Wylie |
250b1 གནས་སུ་ངེས་པར་བརྩམ། །དང་པར་བསྙེན་པ་རབ་གནས་པས། །བུ་མོ་བཅུ་དྲུག་སྟོན་མོ་བྱས། །བདག་གིས་ཞག་གསུམ་ཁྲུས་བྱ་ཞིང་། །སྤྱི་བོ་ལྐོག་མ་སྙིང་ག་རུ། །གསང་བ་གསུམ་གྱི
250b2 ཡི་གེ་བརྟག་། རམས་སུ་བཙོས་པའི་གོས་ཉིད་ལ། །གུར་གུམ་ཐིག་ལེ་ངེས་བཏབ་སྟེ། །དེ་ཉིད་ལ་ནི་བསྐོན་པར་བྱ། །ཟས་སུ་དཀར་གསུམ་སྦྱིན་བྱས་ཤིང་། །སྐྱེས་པ་དང་ནི་འཕྲད་མི་བྱ། །སྙིང་པོ་འདི
250b3 ཉིད་འབུམ་ཚད་དུ། །རང་གིས་བཟླས་པས་རིག་པ་འབྱིན། །དེ་ནས་བསྙེན་པ་རྫོགས་པ་ལས། །བུ་མོ་ཉིད་ལ་ཚིག་བརྗོད་དོ། །བ་ཡི་རྣམ་ལྔ་ཉིད་དང་ཡང་། །རམས་དང་མཐིང་ཤུན་ཀུན་འདུས་སུ། །རིན
250b4 ཐང་མི་བརྩི་ཉོར་བཅུག་སྟེ། །དེ་ཉིད་རིགས་མཐུན་ནང་བཏུམས་ལ། །གནས་གང་ཡིན་པར་བདག་ལ་གཏད། །དེ་ཡིས་ཞག་གསུམ་སྦྱོར་བ་ཡིས། །ཕྱག་རྒྱ་ངེས་པ་ཉིད་དང་ཡང་། །སྙིང་པོ་གོང་གི
250b5 སྦྱོར་བ་ཡིས། །དྲི་ཆུ་བཏབ་ལ་གྲངས་ཚད་དུ། །ཕྱིན་པར་ཡང་དག་བཟླས་པར་བྱ། །དེ་ནས་སྐུད་པ་སྔོན་པོ་ནི། །བུ་མོས་ལེགས་པར་བཀལ་བ་ལ། །སྔགས་ཀྱིས་དག་བྱས་རབ་མཛེས་པས། །
250b6 སྲད་བུ་དགུ་རུ་ངེས་པར་བསྒྲིལ། །མེ་ཏོག་སྔོན་པོའི་ནང་བཏུམས་ལ། །སེང་ལྡེང་ཕུར་པ་ལྔ་རྣམས་ཀྱིས། །སྲད་བུ་ཡོངས་སུ་བྲི་བར་བྱ། །རབ་ཏུ་ཚད་དུ་ངེས་པ་ཡིས། །ཕྱག་རྒྱ་མ་ལ་ངག
250b7 བརྗོད་པས། །དེ་ཉིད་མཉམ་པར་བཞག་པ་ཡིས། །དཀྱིལ་འཁོར་ལེགས་པར་བྱས་པ་ཡིན། །འཕང་དུ་ཁྲུ་གང་ཚད་བྱས་ཏེ། །དང་པོར་བྱང་ཤར་མཚམས་ཉིད་ནས། །ཀུན་རྟེན་ཁ་དོག
iiif viewer powered by OpenSeadragon
