| e-texts navigator |
| Wylie |
249a1 @#། །མ་ཐག་ཏུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་འཁོད་པའི་གདུག་པ་ཐམས་ཅད་སྙིང་འདར་བར་གྱུར་ཏོ། །དེ་ནས་ཏིང་འཛིན་དེ་ལས་བཞེངས་ནས
249a2 ལག་ན་རྡོ་རྗེ་ལ་གཟིགས་ཏེ། བྱེད་པ་གཡོན་པའི་ཆུ་ཤིང་སྙིང་པོ་ནས་དྲངས་ཏེ་བཀུག་པའོ། །བྱེད་པ་སྐྱེས་པའི་ཆུ་ཤིང་སྒྲ་དང་བཅས་པས་བརྐྱང་བ་བྱས་ཏེ་གནས་སོ། །དེ་ནས་ལག་ན་རྡོ་རྗེ་ཕྱག
249a3 རྒྱ་དེ་ཉིད་ཡང་དག་པར་རིག་སྟེ་ཚིག་འདི་སྐད་ཅེས་བརྗོད་དེ། ཁྱེད་ལ་སོགས་པའི་འཁོར་དག་ས་ཕྱོགས་འདིར་མ་གནས་པར་ཕྱོགས་གཞན་དུ་དེ་ངེས་ཤིག་།གལ་ཏེ་མི་འགྲོ་ན་ཁྱེད་ལ་སོགས
249a4 པའི་སྙིང་འགས་པར་འགྱུར་རོ། །ཞེས་བརྗོད་པས་སྒྲ་གནས་ཀྱི་ཁུང་བུར་སྒྲིབ་བྱེད་ཀྱི་ཚོགས་སོང་སྟེ་སྔ་མ་བཞིན་དུ་འཁོད་དོ། །ལག་ན་རྡོ་རྗེ་གོས་སྔོན་པོ་ཅན་རྡོ་རྗེ་མེ་ལྕེའི་རྒྱུད་ལས། གླེང
249a5 གཞིའི་ལེའུ་སྟེ་དང་པོའོ། ། །།དེ་ནས་ཕྱག་ན་རྡོ་རྗེ་ཡིས། །ཐུབ་པའི་སྐུ་ལ་འདི་སྐད་གསོལ། །གསང་བའི་རྡོ་རྗེ་དྲག་པོའི་དོན། །རྒྱས་པར་བདག་ལ་བཤད་དུ་གསོལ། །གསང་བའི
249a6 བདག་པོ་ལེགས་པར་ཡང་། །ཉོན་ལ་ཡིད་ལ་ཟུངས་ཤིག་ཁྱོད། །ང་ཡི་གསང་བ་གང་མིན་པ། །རྡོ་རྗེ་དྲག་པོ་གང་ཡིན་པ། །དེ་ལ་མཚན་ཉིད་གཞན་མེད་དེ། །ཁྱོད་ཉིད་ཀྱི་ནི་རྒྱུད་དང་ཡང་། །
249a7 ཁྱོད་ཀྱི་བྱ་བའི་ལས་བཤད་བྱ། །སྐྱེ་བ་བཞིས་བསྡུས་སེམས་ཅན་རྣམས། །གདུག་པ་ཅན་གྱིས་གཙེས་གྱུར་པ། །ཐབས་སུ་ལྡན་པའི་ཟློག་པ་ཡི། །མཚན་མ་ངེས་པར་བཤད་པར་བྱ། །
iiif viewer powered by OpenSeadragon
