| e-texts navigator |
| Wylie |
248b1 རྒྱན་ཆ་བདུན་དང་ལྡན་པ། ལག་པ་གཡས་ན་རྡོ་རྗེ་རྩེ་དགུ་པ་ཐོགས་པ། གཡོན་ན་ནམ་མཁའ་ལྡིང་གི་རྒྱལ་པོ་དྲག་པོ་ཐོགས་པ། སྐུ་བྱིན་པོ་ལ་དཔག་ཚད་ཉིས་འབུམ་དྲུག་ཁྲི་ཡོད་པ་བཞུགས་སོ། །
248b2 དེ་ནས་གནོད་སྦྱིན་རྣམས་ཀྱིས་གསོལ་པ། གཙོ་བོ། ཁྱོད་ཀྱིས་བཅོམ་ལྡན་འདས་ལ་གསང་བའི་དོན་དྲག་པོ་རྒྱས་པར་གསོལ་ཅིག་།བདག་ཅག་རྣམས་ཀྱིས་ཞུ་བར་མ་སྤོ་བས་སོ་ཞེས་གསོལ་ནས
248b3 ལག་ན་རྡོ་རྗེ་ལ་གོས་སྔོན་པོ་དར་ལ་བཻ་ཌཱུཪྱ་ཞུན་མའི་ནང་དུ་བཙོས་པ་ཞིག་བླ་གོས་སུ་གསོལ་ཏོ། །སྟག་གི་པགས་པ་དྲུག་སྟོང་གིས་ཤམ་ཐབས་སུ་བཅིངས་སོ། །དེ་ནས་ལག་ན་རྡོ་རྗེ་རིངས་པར
248b4 བཅོམ་ལྡན་འདས་ཀྱི་སྤྱན་སྔར་སོང་སྟེ་ཞབས་ལ་སྤྱི་བོས་གཏུགས་ཏེ་མདུན་དུ་སྙིང་པོ་དང་ལྡན་པའི་སྐྱིལ་མོ་ཀྲུང་བཅས་ཏེ་འདུག་གོ་། དེ་ནས་བཅོམ་ལྡན་འདས་ཀྱིས་ནམ་མཁའ་དང་ས་གཞི་ལ
248b5 གཟིགས་ནས་བར་སྣང་དུ་ཡང་སྤྱན་གྱིས་འཁོར་བར་གཟིགས་སོ། །དེ་ནས་ཁཾ་བྲུཾ་སཾ་ཞེས་བྱ་བའི་སྔགས་བརྗོད་དོ། །དེ་ནས་ལག་ན་རྡོ་རྗེ་སྟན་ལས་ལངས་ནས་རྡོ་རྗེ་ཐལ་མོ་རང་གི་སྙིང་གར་སྦྱར་ཏེ
248b6 བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་འདས་ལ་གསང་བ་དྲག་པོའི་དོན་བདག་དང་། སེམས་ཅན་ཐམས་ཅད་ལ་ཕན་པའི་ཕྱིར་ཞུ་ན། ཅི་བཅོམ་ལྡན་འདས་ཀྱིས
248b7 སྐབས་དབྱེ་བར་གནང་ངམ་ཞེས་གསོལ་བ་དང་། ཅི་ཡང་མི་གསུང་བར་བཅོམ་ལྡན་འདས་གདུག་པའི་ཚོགས་ངེས་པར་འདུལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཞུགས
iiif viewer powered by OpenSeadragon
