| e-texts navigator |
| Wylie |
244b1 ལ་གནད་པ་དང་། གདུག་པ་ཅན་འདུལ་བ་ཐུན་མོང་གི་ལས་བཀའ་སྩལ་དུ་གསོལ་ཞེས་གསོལ་པས། བཅོམ་ལྡན་འདས་ཀྱིས་བཀའ་སྩལ་པ། ཐུན་མོང་ཕྱི་རུ་གསད་འདོད་ན། །འཕྲིན
244b2 ལས་མི་འགྱུར་འཁོར་ལོ་བསྐོར། །འཁོར་ལོར་གཞུག་དང་གཟུགས་ལ་གདབ། །གསད་པའི་འཁོར་ལོ་ལྟོ་སྦྱར་དུ། །གང་དམིགས་གཟུགས་དེ་ཁྲག་ཏུ་བྲི། །སྙིང་གར་མིང་བྲི་ལྟེ་བ་ལ། །ཤྭ
244b3 རཱི་ར་སྟེ་མགོ་བོ་ལ། །བནྡྷ་བནྡྷ་ཞེས་པ་དགོད། །ཡན་ལག་བཞི་ལ་ཧ་ན་སྟེ། །མཱ་ར་ཡ་བྲལ་གཉིས་དང་ནི་མཚན་མ་ལའོ། །དམིགས་པའི་ས་ནས་ཟག་པའི་རྫས། །བླངས་ཏེ་བོང་བུའི་ཆུས་སྦྲུས་ལ།།
244b4 ཤ་ཏྲཱུཾ་གཟུགས་བྱ་ཡིག་འབྲུ་རྣམས། །གནས་སུ་བཀོད་དེ་སྔོན་མར་བཅིང་། །དུག་རྫས་གཏུམ་པའི་རྫས་ཀྱིས་གཏུམ། །བརྩོན་ཁང་བསྐུར་ཏེ་ཐུན་རྣམས་དབབ། །ཟླ་བ་གཅིག་ཏུ་གནག་པར
244b5 བྱ|་|བདུན་བདུན་བསྐོར་བྱ་བར་བར་དུ། །མཆོག་པའི་ལས་བྱ་མཚན་ཐུན་དབབ། །སྲེག་དང་མནན་པས་མཐའ་བརྟུལ་བྱ། །ཞེས་གསུངས་སོ། །དཔལ་རྡོ་རྗེ་གཏུམ་པོ་ཐུགས་གསང་བའི་རྒྱུད་ཕྱི
244b6 མའི་ཕྱི་མ་ལས། འཕྲིན་ལས་མི་འགྱུར་བའི་འཁོར་ལོའི་ལེའུ་སྟེ་བཞི་པའོ།། །།དེ་ནས་གནོད་སྦྱིན་གཏུམ་པོས་གསོལ་པ། ཀྱེ་བཅོམ་ལྡན་འདས། སླད་མའི་དུས་ན་གདུལ་དཀའ
244b7 བའི་གདོལ་པ་རྣམས་ཀྱི་ལོ་ཏོག་འཇོམས་པའི་ཐབས་བཀའ་སྩལ་དུ་གསོལ་ཞེས་གསོལ་བ་དང་། བཅོམ་ལྡན་འདས་ཀྱིས་བཀའ་སྩལ་པ། ལོ་ཏོག་འཇོམས་པའི་ལས་བྱ་ན། །ནཱ་ག་གཟིར
iiif viewer powered by OpenSeadragon
