| e-texts navigator |
| Wylie |
192b1 མར་བརྟགས་པའོ། །ཆགས་པ་ལྕགས་ཀྱུ་ཁོ་ན་སྟེ། །ཞགས་པ་པདྨར་ཆུད་བྱེད་པ། །ཁ་ཕྲད་པ་ནི་སྒྲོག་ཡིན་པར། །སྒྲ་བསྒྲགས་པ་ནི་དྲིལ་བུར་བཤད། །སྤོས་ནི་དྲི་ཆེན་ཞེས་གསུངས་ཏེ།
192b2 མེ་ཏོག་རཀྟ་ཞེས་འདོད་དོ། །མར་མེ་ཤ་རྣམས་ཁོ་ན་ཡིན། །དྲི་ནི་བྱང་ཆུབ་སེམས་ཞེས་འདོད། །སྒེག་མོ་ལིངྒར་བསྟན་པ་སྟེ། །ཕྲེང་བ་བྷ་ག་ཁོ་ན་ཡིན། །དབྱངས་མ་དབུགས་སུ་བསྟན
192b3 པ་དང་། །གར་མཁན་མ་ནི་རྣལ་འབྱོར་ཏེ། །བཅོམ་ལྡན་འདས་ཀྱིས་བཟང་པོར་གསུངས། །དེ་རྟོགས་པ་ནི་སྐལ་བཟང་ཡིན། །རྟོགས་པ་དེ་རྣམས་བྱམས་པ་སོགས། །དེ་ལྟར་ནང་གི
192b4 བདག་ཉིད་གསུངས། །དཀྱིལ་འཁོར་གཞན་ནི་སྔོན་བཤད་ཟིན། །སྦྱིན་སྲེག་ལས་ནི་བཤད་པར་བྱ། །ཉོན་ཅིག་སྦྱིན་སྲེག་རྣམ་པ་བཞི། །སྦྱིན་སྲེག་ཕྱི་དང་ནང་གསུངས་ཏེ། །ཕྱི་ནི
192b5 སྔོན་དུ་བསྟན་པ་ཡིན། །ཉོན་ཅིག་ཁྱོད་ཀྱིས་ནང་གི་ནི། །པདྨ་བཞི་རྣམས་འབྱོར་པ་ནི། །ལུས་ཀྱི་དབུས་སུ་ཉེ་བར་གནས། །མེ་དང་དེ་བཞིན་རླུང་དང་ནི། །དབང་ཆེན་དང་ནི་ཆུ་དེ་བཞིན། །
192b6 རླུང་གིས་མེ་ནི་འབར་བྱས་ཏེ། །ཆུ་ཡིས་ཡོངས་སུ་སྨིན་པར་བྱེད། །དབང་ཆེན་དཀྱིལ་འཁོར་ལས་བྱུང་བ། །གང་དུ་མེ་ནི་བསྐྱོད་པའོ། །ར་ཡིག་མངོན་སྤྱོད་ཡི་གེ་སྟེ། །ཡ་ཡིག་དབང
192b7 གི་ལས་ཁོ་ན། །ལ་ཡིག་རྒྱས་པར་འགྱུར་བ་སྟེ། །བ་ཡིག་ཞི་བ་ཞེས་གསུངས་སོ། །གང་ཞིག་ཟས་དང་བཏུང་བ་ནི། །དེ་དག་ཐམས་ཅད་ཆུ་ལ་སྟེ། །པདྨར་ཀྵ་ཡིག་ཁ་མར་ལྟ། །སྙིང་གི
iiif viewer powered by OpenSeadragon
