| e-texts navigator |
| Wylie |
190a1 @#། །གནས་སོ། །གང་གིས་བརྒྱད་ཁྲི་རྩ་བཞིའི་ཆོས། །སྟོང་ཕྲག་བརྒྱ་རུ་ཤེས་ན་ཡང་། །དེ་ཡི་དེ་ཉིད་མི་ཤེས་ཏེ། །དེ་དག་ཀུན་ཀྱང་འབྲས་མེད་དོ། །བཅུ་གཉིས
190a2 ལྔ་ཡི་ལྔ་པ་ཡང་། །བརྒྱད་ཀྱི་མཐའ་རུ་འབྱུང་བ་འདིས། །སྒྲ་ཡིག་དང་པོ་ཡི་གེ་ཨ། །ལྔ་པ་ཡིས་ནི་ཡང་དག་བརྒྱན། །སྙིང་རྗེ་ཆེན་པོ་ལས་བྱུང་བ། །ཁ་མར་བལྟས་པའི་དུར་གས
190a3 བརྟགས|་|གདོད་མ་མཐའ་མ་མེད་པའི་ལྷ། །དེ་ནི་སྤྱི་བོར་བསྟན་པ་ཡིན། །དེ་དག་གསང་ཆེན་དམ་པ་ཡིན། །ལྷ་མོ་བདག་གིས་རབ་བསྟན་ཏོ། །ལྷ་མོ་བཞིས་ཡོངས་སུ་ཞུས་པ
190a4 ལས|་ལྷ་མོ་མཱ་མ་ཀཱིས་ཞུས་པ་སྟེ་ལེའུ་གཉིས་པའོ། ། །།དེ་ནས་ལྷ་མོ་གོས་དཀར་མོས། །ཡན་ལག་ཀུན་གྱིས་བཏུད་ནས་སུ། །ཐལ་མོ་སྙིང་གར་སྦྱར་བྱས་ཏེ། །རྡོ་རྗེ
190a5 སེམས་དཔའ་ལ་གསོལ་བ། །ཆོས་ཀྱི་དབྱིངས་ཀྱི་བསྡུས་པ་དང་། །སྐུ་གསུང་ཐུགས་ཀྱི་རྡོ་རྗེ་ཡི། །རང་བཞིན་ཉིད་ནི་ཇི་ལྟར་ལགས། །ལྷ་ཡི་དབང་ཕྱུག་ཁྱོད་ལ་ཞུ། །གང་གིས་འོད
190a6 ཀྱི་གོང་བུར་བསྡུ། །རྡོ་རྗེ་སེམས་དཔའ་ཇི་ལྟར་ལགས། །གསུངས་ཤིག་དེ་ཉིད་ཡིག་འབྲུའི་ཚིག། འདུས་པ་གསུངས་པ་ཇི་ལྟར་ལགས། །ཆུ་ཁམས་དང་ནི་མེ་ཡི་ཁམས། །ཇི་ལྟར
190a7 རོ་ནི་མཉམ་པོར་འགྱུར། །མ་ལས་སྐྱེ་བ་གསུམ་ཙམ་དང་། །དེ་བཞིན་ཕ་ལས་སྐྱེ་བ་གསུམ། །དེ་དག་དྲུག་སོགས་གོང་བུ་ལས། །ཇི་ལྟར་མི་རྣམས་སྐྱེ་བ་ལགས། །སངས་རྒྱས
iiif viewer powered by OpenSeadragon
