| e-texts navigator |
| Wylie |
188a1 @#། །མིག་དང་རྣ་བ་སྣ་དང་ནི། །དེ་བཞིན་ལྕེ་དང་ལུས་དང་ཡིད། །དབང་པོ་ཕུང་པོའི་དངོས་རྣམས་དང་། །ཁམས་རྣམས་སུ་ནི་འཇུག་པ་ཡང་། །མ་རིག་བག་ཆགས
188a2 སྲེད་པ་ཡིས། །བཅིངས་པའི་ཉོན་མོངས་འདོད་ཆགས་སོགས། །རྣམ་པར་ཤེས་པ་སྣ་ཚོགས་པ། །ཇི་ལྟར་དངོས་སུ་འདུས་པ་ལགས། །དངོས་པོ་མེད་པ་སྒོམ་པའི་གཟུགས། །གཟུགས
188a3 སོགས་སྤྱོད་ཡུལ་མཚན་ཉིད་རྣམས། །རང་བཞིན་མེད་ཅིང་དམིགས་མེད་ལ། །དམིགས་པ་དང་བཅས་ཇི་ལྟར་ལགས། །དེ་དག་ངོ་མཚར་ཆེན་པོ་ནི། །བདག་གི་ཐེ་ཚོམ་ལྷ་ས
188a4 བཀའ་སྩོལ། །དེ་ལྟར་ཞུས་མ་ཐག་ཏུ་ནི། །བཅོམ་ལྡན་རྡོ་རྗེ་སེམས་དཔས་གསུངས། །ཤེས་རབ་ཟབ་མོ་ཟད་མེད་ནི། །ཉོན་ཅིག་སྤྱན་མ་བཤད་པར་བྱ། །དཔྱད་དུ་མེད་ཅིང་ཤེས
188a5 བྱ་མིན|་|དེ་བཞིན་དཔྱད་མཁན་གྱིས་ཤེས་དཀའ། །སངས་རྒྱས་ཀུན་གྱི་གསང་ཆེན་ནི། །ནམ་མཁའ་ནམ་མཁའི་སྤྱོད་ཡུལ་ལོ། །མི་ཤེས་མུན་པས་བསྒྲིབས་པས་ན། །ཉན་ཐོས
188a6 རྣམས་ཀྱིས་ཤེས་པ་མིན། །སྤྱོད་ཡུལ་བག་ཆགས་ཤེས་མཁན་སྟེ། །རང་སངས་རྒྱས་སུ་སྤྲུལ་པས་ཏེ། །དེ་དག་ཀུན་གྱིས་ཀྱང་མི་ཤེས། །ཤེས་མེད་སོ་སོའི་སྐྱེ་གནས་དག་།མ་འོངས
188a7 པ་དང་འདས་པ་དང་། །ད་ལྟར་བྱུང་བའི་དུས་གསུམ་ལ། །བྱོལ་སོང་བག་ཆགས་ལས་བྱུང་བའི། །དུད་འགྲོ་ཡི་དགས་སྐྱེ་བ་རྣམས། །དེ་ཀུན་གྱིས་ཀྱང་མི་ཤེས་ཏེ། །སངས་རྒྱས
iiif viewer powered by OpenSeadragon
