| e-texts navigator |
| Wylie |
182b1 བདག་ཉིད་དེ་ལས་རྟོག་པ་གཉིས་སུ་གྱུར་ཏེ་བདག་དང་། གཞན་དག་ཏུའོ། །རྣམ་པར་ཤེས་པ་དེའི་བཞོན་པ་རླུང་ངོ་། །རླུང་ལས་མེའོ། །མེ་ལས་ཆུའོ། །ཆུ་ལས་སའོ། །དེ་རྣམས
182b2 ལས་ཕུང་པོ་ལྔ་དང་། སྐྱེ་མཆེད་དྲུག་དང་། ཡུལ་ལྔ་སྟེ། དེ་དག་ཐམས་ཅད་ནི། རྣམ་པར་ཤེས་པ་རླུང་དང་འདྲེས་པའོ། །དེ་ནས་རྣམ་པར་ཤེས་པ་གསུམ་གྱི་རང་བཞིན་གྱི་སྣང་བ་རབ
182b3 ཏུ་གསལ་བར་སྤྱོད་པ་རྗེས་སུ་མྱོང་བར་བྱེད་དེ། སྣང་བའི་རྒྱུས་རང་བཞིན་རྣམས་ཡང་དག་པར་འབྱུང་ངོ་། །དེ་ལས་འོད་གསལ་བ། གནས་པ་མེད་པ། འགག་པ་མེད་པ། སྐྱེ་བ་མེད་པ།
182b4 དོན་དམ་པའི་བདེན་པ། ཡང་དག་པའི་མཐའ་སྟེ། དེ་ལས་བྱུང་བའི་མུན་པའི་སྣང་བ་ནི། མ་རིག་པའོ། །དེའི་རང་བཞིན་ལྟ་བ་དང་། འཁྲུལ་བ་དང་། རྣམ་པར་གཡེང་བ་དང་། བརྗེད
182b5 ངེས་པ་དང་། ལེ་ལོ་དང་། མི་སྨྲ་བ་དང་། མི་གསལ་བའོ། །མ་རིག་པ་སེམས་ལས་བྱུང་བ་སྟེ། ཉི་མའི་སྣང་བ་ལྟ་བུ་དང་། ཤིན་ཏུ་གསལ་བའི་སྨིག་རྒྱུ་བ་ལྟ་བུའོ། །དེའི་རང་བཞིན
182b6 འདོད་ཆགས་དང་། དགའ་བ་དང་། མཆོག་ཏུ་དགའ་བ་དང་། དྲག་པོ་ལ་སོགས་པ་དང་། ཀུན་རྫོབ་ཏུ་མངོན་སུམ་དུ་སྐྱེས་པའི་གཟུགས་དང་། ལྷའི་ཚོགས་དང་། མཚན་མ་དང་། རྡོ
182b7 རྗེའི་བརྡའོ། །སེམས་ལས་བྱུང་བ་ལས་སེམས་ཏེ། ཟླ་བའི་སྣང་བ་དང་། ཤིན་ཏུ་གསལ་བའི་ཆུའི་ཟླ་བ་ལྟ་བུའོ། །རང་བཞིན་ནི། འདོད་ཆགས་དང་བྲལ་བ་ལ་སོགས་པའོ། །ཀུན་རྫོབ
iiif viewer powered by OpenSeadragon
