| e-texts navigator |
| Wylie |
182a1 @#། །མཆེད་པ་དང་། ཤིན་ཏུ་སྟོང་པ་ཞེས་གསུངས་སོ། །སེམས་ལས་བྱུང་བའི་རྐྱེན་གྱིས་སེམས་ཏེ། དེ་ནི། སྣང་བ་དང་། སྟོང་པ་སྟེ། སེམས་དང་། སེམས་ལས
182a2 བྱུང་བ་དང་། མ་རིག་པའི་རང་བཞིན་བདག་མེད་པའོ། །གསུམ་པོ་དེ་དང་དེ་འོད་གསལ་བ་ལས་བྱུང་བའི་རྡོ་རྗེའི་རང་བཞིན་ནོ། །དེ་ནས་བྱམས་པ་ལ་སོགས་པ་བྱང་ཆུབ་སེམས
182a3 དཔའ་དེ་དག་ཐམས་ཅད་ངོ་མཚར་དུ་གྱུར་པས་ཅང་མི་སྨྲ་བར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེས་བྱང་ཆུབ
182a4 སེམས་དཔའ་སེམས་དཔའ་ཆེན་པོ་དེ་རྣམས་ཅང་མི་སྨྲ་བར་འདུག་པ་མཐོང་ནས་བཀའ་སྩལ་པ། རིགས་ཀྱི་བུ། ཅིའི་ཕྱིར་ཅང་མི་སྨྲ་བར་གྱུར་པས་འདུག་།དེ་ནས་བྱང་ཆུབ་སེམས
182a5 དཔའ་ཆེན་པོ་དེ་རྣམས་ཀྱིས་བཅོམ་ལྡན་འདས་ཀྱི་ཞབས་གཉིས་ལ་ཕྱག་བཙལ་ཏེ་གཏུགས་ནས་གཞན་ཡང་ཞུས་པ། ཨེ་མའོ་སྟོན་པ། རྟོགས་པར་དཀའ་བ་རྣམ་པར་ཤེས་པ
182a6 གསུམ་གྱི་དབྱེ་བ་མཆོག་ཏུ་ཟབ་པ་བཅོམ་ལྡན་འདས་བཤད་དུ་གསོལ། བདེ་བར་གཤེགས་པ་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། གང་འོད་གསལ་བ
182a7 ལས་བྱུང་རྣམ་པར་ཤེས་པ་དེ་ཉིད་སེམས་དང་། ཡིད་དང་། རྣམ་པར་ཤེས་པ་ཞེས་བྱ་ལ། དེ་ནི། ཆོས་ཐམས་ཅད་ཀྱི་རྩ་བ་སྟེ། ཀུན་ནས་ཉོན་མོངས་པ་དང་། རྣམ་པར་བྱང་བའི
iiif viewer powered by OpenSeadragon
