| e-texts navigator |
| Wylie |
180b1 འདི་གྱུར་ཏེ། །དུས་གསུམ་བཞུགས་པའི་སངས་རྒྱས་རྣམས། །རྡོ་རྗེ་མི་ཕྱེད་གསུམ་རྣལ་འབྱོར། །གསུང་གི་རྡོ་རྗེ་མི་ཕྱེད་པ། །རྡོ་རྗེ་ཅན་མཆོག་དེ་བྱིན་རློབ། །འཇུག་པ་གནས་པའི་སྦྱོར་བ
180b2 དང་། །ལྡང་བ་དང་ནི་ཡང་དག་ལྡན། །གསུང་གི་རྡོ་རྗེ་དངོས་མེད་པ། །དེ་ནི་སངས་རྒྱས་བྱིན་གྱིས་རློབ། །ཇི་ལྟར་འཁོར་ལོས་བསྒྱུར་རྒྱལ་ནི། །ཚིག་གི་ལམ་གྱིས་ལས་བྱེད་འཇུག་།གསུང
180b3 བྱིན་རླབས་པས་སྔགས་པ་ནི། །དེ་བཞིན་དོན་ཡོད་ཉིད་དུ་བྱེད། །དེར་ནི་ཡང་དག་བཤད་པ་འདི། །སྒྲུབ་པ་ཆེན་པོ་ཞེས་བྱ་བའོ། །སངས་རྒྱས་དེ་རྣམས་བྱིན་རློབ་པ། །སྡོམ་པ་ཡུལ་ནི
180b4 དམ་པའོ། །རྡོ་རྗེ་ཐུགས་ནི་འཛིན་རྒྱལ་པོ། །དེ་ནི་བདག་ལ་བྱིན་རློབ་མཛད། །མི་ཕྱེད་རྡོ་རྗེ་གསུམ་སྦྱོར་བས། །ནམ་མཁའི་ཁམས་དང་མཉམ་པའི་གནས། །གང་ཞིག་བྱུང་དང་འབྱུང
180b5 འགྱུར་བའི། །ཕྱོགས་བཅུར་བཞུགས་པའི་སངས་རྒྱས་རྣམས། །དེ་ཡི་བྱིན་གྱིས་བརླབ་པའི་གནས། །ལན་གསུམ་ལས་ནི་བྱུང་བ་མཛད། །སྐུ་ཡིས་སྟོན་པའི་མཛད་པ་མཆོག་།རང་སངས
180b6 རྒྱས་ནི་སྒོམ་པ་ཡིན། །མདོ་སྡེ་བ་དང་ཉན་ཐོས་ཀྱིའང་། །སྨྲ་བ་སྒྲུབ་པ་པོར་གྱུར་ཡིན། །སེམས་ནི་རྣལ་འབྱོར་ལྡན་མཆོག་གིས། །འགྲོ་བའི་དོན་ནི་རབ་སྒྲུབ་པའོ། །འགྲོ་འོང་གནས་དང
180b7 བྲལ་བ་ནི། །རྡོ་དང་ས་དང་དབྱིག་བྱེད་པ། །ལུས་ལ་སོགས་པ་མཚོན་པ་ཡིས། །འོན་ཀྱང་དེ་ནི་གསུང་དུ་འགྱུར། །སེམས་དང་ལུས་དང་མི་ལྡན་པའི། །དེ་བཞིན་ཉིད་ནི་འགྲོ་དོན་ཅན། །སྐུ་གསུང
iiif viewer powered by OpenSeadragon
