| e-texts navigator |
| Wylie |
179a1 @#། །ཡིན། །དང་པོ་གཅིག་པུ་མི་བསྐྱོད་དགོད། །དེ་ཉིད་སྡོམ་པར་གྱུར་བ་ཡིན། །བརྡ་རུ་བརྗོད་པ་སྣ་ཚོགས་པ། །བསམས་ནས་སྡོམ་པ་ཀུན་ཏུ་བཤད། །མི་ཕྱེད
179a2 ནམ་མཁའི་སྦྱོར་བ་ཡིས། །བསམ་དང་གདོན་དང་རྣམ་པར་བྲལ། །རྟེན་འབྲེལ་རིག་ལས་ཡང་དག་འབྱུང་། །རྗེས་བཅས་ཞེས་བྱ་དེ་བསྒོམ་བྱ། །རྟག་ཏུ་འབྱུང་བའི་ཡེ་ཤེས
179a3 གཞག་། མིག་ལ་སོགས་པ་བདུན་བརྒྱ་ལ། །གཡས་དང་གཅིག་ཤོས་ཟླ་ཕྱེད་དེ། །ཤེས་རབ་ཐབས་ཀྱང་སྒྲུབ་པའོ། །འདི་དག་ཟུང་གྱུར་ཟླ་བ་སྟེ། །རྡོ་རྗེ་མིང་ཅན་ཕྱེད་དང་གཉིས། །
179a4 དེ་ནི་སྦྱོར་བ་འདི་ཉིད་ཀྱིས། །དངོས་གྲུབ་མྱུར་དུ་ཐོབ་པར་འགྱུར། །ཞག་ནི་ཐུབ་པ་ཟླ་ཕྱེད་དང་། །ཟླ་གཅིག་ཟླ་བ་ཕྱེད་གཉིས་པས། །འཇིག་རྟེན་པ་ཡི་ཞག་དབྱེ་བས། །རྒྱ་ཆེར་ངས
179a5 ནི་བཤད་པ་ཡིན། །གསང་བ་མཆོག་ལས་བྱུང་བ་ནི། །ཟླ་བ་ཕྱེད་ཀྱིས་སྒྲུབ་པར་གསུངས། །དེ་ཉིད་ཉེ་བར་འགྲུབ་བཤད་པའི། །སྡོམ་པའི་ཡུལ་ནི་དམ་པ་ཡིན། །གང་ཚེ་ཤེས་རབ
179a6 ཐབས་ཡེ་ཤེས། །དེ་བཞིན་ཉིད་ཤེས་ལས་བྱུང་བ། །སངས་རྒྱས་སྐུ་འཛིན་དཔལ་དང་ལྡན། །རྡོ་རྗེ་མི་ཕྱེད་འོད་པོ་ཆེ། །བྱང་ཆུབ་སྐད་ཅིག་གིས་སྦྱོར་བ། །རྡོ་རྗེ་སྐུ་ནི་བྱེད་པར་འགྱུར།།
179a7 སྲོག་ལ་སོགས་དང་གྲངས་མཉམ་པའི། །བདག་མེད་ཕྱོགས་བཞུགས་སངས་རྒྱས་རྣམས། །རྡོ་རྗེ་མི་ཕྱེད་གསུམ་བསྒོམས་པས། །རྡོ་རྗེ་བྱིན་རླབས་མཛད་པར་འགྱུར། །འདས་དང་མ
iiif viewer powered by OpenSeadragon
