| e-texts navigator |
| Wylie |
178b1 འཇིག་རྟེན་པ་རྣམས་སྨྲ་བ་གསལ། །བསྙེན་པ་སྐུ་ཡི་བརྟུལ་ཞུགས་མཆོག་།བློ་དང་ལྡན་པས་རྡོ་རྗེ་བཞིས། །རྡོ་རྗེ་གསུམ་གཉིས་མེད་སྦྱོར་བ། །བསྒོམས་ན་དངོས་གྲུབ་འཐོབ་པར
178b2 འགྱུར|་|མེ་ལོང་ཞེས་བྱ་དགོན་པ་ཆེ། །རིན་ཆེན་ཞེས་བྱ་དབེན་པའོ། །ཆེན་པོ་ཞེས་བྱ་འོད་དཔག་མེད། །དོན་ཡོད་པ་ནི་རི་འོར་ཡིན། །ཆུ་ངོགས་དག་པའི་ཆོས་ཀྱི་ཆ། །གནས་ལྔ་དག
178b3 ཏུ་རབ་ཏུ་བརྟག་། ཇི་སྲིད་དོན་ནི་སྦྱོར་བ་བཞིས། །ཡི་གེ་ཨོཾ་ནི་སྡོམ་པར་འགྱུར། །ཇི་ལྟར་ནམ་མཁའི་མཚན་ཉིད་གཅིག་།རང་གི་མཚན་ཉིད་འདོར་མི་བྱེད། །དེ་བཞིན་དེ་ཉིད་གསུམ
178b4 བཞིའི་ཕྱེད། །ཡི་གེ་ཨོཾ་གཅིག་སྡོམ་པའོ། །གནས་མེད་གནས་པ་ཞེས་བྱ་བའི། །ོཾ་གཅིག་གིས་ནི་འགྲོ་ལ་ཁྱབ། །དེ་ཉིད་མི་གསལ་སྦྱོར་དབང་པོ། །གཙོ་བོ་རང་ཉིད་ཟློག་པ་ཡིན།།
178b5 ལ་ལ་གླང་པོ་སྤངས་ནས་ནི། །རྗེས་ལ་དབྱིབས་ནི་ཚོལ་བར་བྱེད། །དེ་བཞིན་མ་འོངས་སྔགས་པ་ནི། །ོཾ་ལས་སྡོམ་པ་གཞན་དུ་འདོད། །གཅིག་གཉིས་གསུམ་དང་བཞི་དང་ལྔ། །དུས
178b6 ཐུབ་དེ་བཞིན་ནོར་ཅན་དང་། །ཕན་ཚུན་སྦྱོར་གནས་བརྗོད་པ་ལ། །བསམ་མི་ཁྱབ་པའི་གྲངས་སུ་འགྱུར། །བཅོམ་ལྡན་གཅིག་ཀྱང་དུ་མ་སྟེ། །ཚིག་ཏུ་བརྗོད་པ་རྣམ་པར་སྤངས། །བརྡ་ཙམ
178b7 དུ་ནི་ཨོཾ་ཞེས་བྱ། །དངོས་མེད་སྦྱོར་བའི་ཆོས་ཉིད་ཡིན། །ཆོས་དང་ལོངས་སྤྱོད་སྤྲུལ་པ་སྟེ། །སྐུ་གསུམ་དུ་ནི་ཡང་དག་བཤད། །གསུམ་པོ་ཡང་དག་འཛིན་པས་ནི། །དེས་ན་ཨོཾ་ནི་སྡོམ་པ
iiif viewer powered by OpenSeadragon
