| e-texts navigator |
| Wylie |
178a1 @#། །སྒྲུབ་པ་པོ། །བསྙེན་པའི་དམ་ཚིག་ཡང་དག་སྦྱོར། །བྱང་ཆུབ་མཆོག་ནི་རྣམ་པར་བསྒོམ། །གཟུགས་དང་སྒྲ་དང་དེ་བཞིན་དྲི། །རོ་དང་རེག་བྱ་ཆོས་རྣམས
178a2 ལ|་|དངོས་གྲུབ་མཆོག་ནི་རྣམ་དཔྱད་པ། །དེ་ནི་ཉེ་བར་སྒྲུབ་པར་འགྱུར། །སྔགས་བདག་གང་ཡིན་བསྒོམས་ནས་ནི། །བསྐུལ་བ་སྒྲུབ་པར་འགྱུར་བ་ཡིན། །རང་སྔགས་རྡོ་རྗེ་ཅན་གྱི
178a3 གཟུགས|་|དེ་ནི་སྒྲུབ་པ་ཆེན་པོར་འདོད། །བསྙེན་པ་རྡོ་རྗེ་བདུད་རྩི་དག་།སྔགས་པས་ཀུན་ཏུ་བརྟག་པར་བྱ། །དངོས་གྲུབ་འདོད་པས་གནས་པ་ནི། །དབུ་རྒྱན་ལ་ནི་མཆོག་གང
178a4 བསམ|་|འདི་ནི་སྔགས་རྣམས་ཐམས་ཅད་ཀྱི། །དེ་ཉིད་གསུམ་གསང་ཡང་དག་འབྱུང་། །སྔགས་ཀྱི་དེ་ཉིད་དོན་གཉེར་བའི། །སྒྲུབ་པ་པོས་ནི་དབེན་པ་བསྟན། །སྣ་ཚོགས་ལུང
178a5 གི་ཡང་དག་རྟོག་། སྔགས་ནི་དགོན་པ་ཆེན་པོར་འདོད། །དེ་ཡི་དཔག་བསམ་ཤིང་ལོངས་སྤྱོད། །ས་ཕྱོགས་ཞེས་ནི་ཡོངས་སུ་བསྒྲགས། །མཁའ་དང་མཉམ་པའི་སྦྱོར་བ་ནི། །
178a6 རྣམ་པའི་དབེན་པ་ཆེན་པོར་བཤད། །རི་འོར་རྫོགས་པའི་སངས་རྒྱས་དང་། །དེ་རིགས་དངོས་མེད་ལས་བྱུང་བའོ། །དེ་འདྲའི་དབེན་པའི་མཚོན་པ་རུ། །དེར་ནི་འོད་ཆེན་རྣམ་གནས
178a7 ཏེ|་|གནས་མེད་པ་ཡི་སྦྱོར་བ་ཡིས། །རྟག་ཏུ་དངོས་གྲུབ་ཐོབ་པར་འགྱུར། །བཅོམ་ལྡན་རྡོ་རྗེའི་སྒྲུབ་པ་ནི། །ཆེན་པོས་དེ་སྐད་བཀའ་སྩལ་ཏོ། །དགོན་པ་ཆེན་པོའི་ས་ཕྱོགས་སོགས།
iiif viewer powered by OpenSeadragon
