| e-texts navigator |
| Wylie |
177b1 སྒོམ་པ་མཆོག་། སེམས་ཅན་རྣམས་ཀྱི་དེ་ཉིད་རིག་།བསྐལ་པ་གངྒཱའི་བྱེ་སྙེད་དུ། །སངས་རྒྱས་རྡོ་རྗེ་མཆོག་གིས་འགེངས། །རྡོ་རྗེ་བསམ་མི་ཁྱབ་སྔོན་འགྲོ། །རང་གི་རྣ་བ་སེམས་བཅས
177b2 བ། །གངྒཱའི་བྱེ་མའི་མིང་ཅན་གྱི། །གནས་ཀྱི་དངོས་པོ་བཤད་པ་ཡིན། །སངས་རྒྱས་རྣམས་ཀྱིས་མངོན་ཤེས་གནས། །འདི་ནི་ཡང་དག་བཀའ་སྩལ་ཏོ། །མངོན་ཤེས་དྲུག་ནི་དོན་གྲུབ་བོ། །
177b3 དེ་ནི་སངས་རྒྱས་འདྲ་བར་འགྱུར། །གངྒཱའི་ཀླུང་གི་བྱེ་སྙེད་ཀྱི། །འཁོར་རྣམས་ཀྱིས་ནི་རབ་མཛེས་པས། །སྐུ་སོགས་རྡོ་རྗེ་གསུམ་འདི་ནི། །འཇིག་རྟེན་ཁམས་རྣམས་ཀུན་ཏུ་སྤྱོད། །ཡིད་རྟོན
177b4 བདེན་གཅིག་བསྙེན་པ་སྟེ། །དེ་ཉིད་གསུམ་མཉམ་གཉིས་མེད་པ། །བརྟེན་ཏེ་དམ་ཚིག་གཅིག་གྱུར་པ། །ཡེ་ཤེས་ཉེ་བར་སྒྲུབ་པའོ། །ཡིད་རྟོན་མཉམ་པའི་སྦྱོར་བ་ལས། །སྒྲུབ་པ་ཡི་ནི
177b5 དམ་ཚིག་འགྱུར། །འབྲས་བུ་མངོན་སུམ་བྱས་སྦྱོར་བ། །སྒྲུབ་པ་ཆེན་པོ་བཞི་པའོ། །རྐྱེན་དང་ཉན་ཐོས་མདོ་སྡེ་བ། །འདི་དང་ལྡན་པ་རབ་ཏུ་བསྔགས། །སེམས་ལ་དམིགས་དང་འདིར་སྦྱོར
177b6 བ|་|སྐད་ཅིག་གིས་ཀྱང་དེ་འགྲུབ་འགྱུར། །བསྙེན་པའི་དམ་ཚིག་སྦྱོར་གཅིག་དང་། །ཉེ་བར་སྒྲུབ་བར་གང་གྱུར་དང་། །སྒྲུབ་པའི་དམ་ཚིག་ཉིད་དང་ནི། །སྒྲུབ་པ་ཆེན་པོ་བཞི་པ་ཡིན།།
177b7 འདི་ལ་ཡང་དག་འཇུག་འགྱུར་བ། །ཇི་ལྟ་ཇི་ལྟར་འཇིག་རྟེན་སོགས། །ས་དང་ཤིང་གི་རིན་ཆེན་སོགས། །ལྷ་ཉིད་དུ་ནི་རབ་ཏུ་བརྟག་།ཆོས་ཀྱི་དབྱེ་བས་ཤེས་པར་བྱ། །རྡོ་རྗེ་ཡེ་ཤེས
iiif viewer powered by OpenSeadragon
