| e-texts navigator |
| Wylie |
177a1 @#། །ཡིས|་|རྡོ་རྗེ་སེམས་དཔའི་འོད་ཆེན་འགྱུར། །འདི་ནི་རྡོ་རྗེའི་བདུད་རྩི་ཡི། །ཕྲེང་འགྱུར་དམ་ཚིག་རྡོ་རྗེར་བཤད། །རྡོ་རྗེ་སེམས་དཔའ་ཡང་དག་འབྱུང་། །ཏིང
177a2 ངེ་འཛིན་ནི་བཤད་པ་ཡིན། །རྡོ་རྗེ་གསུམ་གྱི་དམ་ཚིག་མཆོག་།སྐུ་གསུང་རྡོ་རྗེ་ཅན་དུ་འགྱུར། །དེ་ཉིད་སེམས་ཅན་ཐམས་ཅད་ཀྱི། །ཡིད་བཞིན་ནོར་བུའི་རྒྱ་མཚོ་ཆེ། །འཇིག་རྟེན
177a3 ཁམས་ནི་ཐམས་ཅད་དུ། །སངས་རྒྱས་སྐུ་དང་འདྲ་བར་འགྱུར། །རྡོ་རྗེ་དམ་ཚིག་དངོས་གྲུབ་མཆོག་།རྡོ་རྗེ་བདག་ཉིད་དེ་སྣང་བྱེད། །གངྒཱའི་ཀླུང་གི་བྱེ་མ་སྙེད། །སངས་རྒྱས་ཞིང་ནི
177a4 ཐམས་ཅད་དུ། །གྲུབ་ནས་འདི་ནི་དེར་སྦྱོར་བའི། །རིག་པ་འཛིན་པར་དེ་འགྱུར་རོ། །སྐུ་ཡི་རྡོ་རྗེ་བསྒོམ་བདག་ཉིད། །གྲུབ་མཆོག་དམ་ཚིག་ལ་གནས་པ། །མི་སྣང་གྱུར་པ་ཀུན་གྱི
177a5 མཆོག་། སྟོང་གསུམ་དག་ནི་སྣང་བར་བྱེད། །ལྷ་ཡི་བུ་མོ་མཆོག་འཕྲོགས་ནས། །སངས་རྒྱས་རྣལ་འབྱོར་མར་ལེགས་སྦྱོར། །གངྒཱའི་བྱེ་སྙེད་ཅེས་བྱ་བའི། །རྫོགས་པའི་སངས་རྒྱས
177a6 མ་ལུས་ཀུན། །དཔེ་དེ་དང་ནི་གྲངས་གཅིག་པ། །སངས་རྒྱས་དུས་གསུམ་རྣམ་སྤངས་པ། །ལག་ཏུ་སྐྱུ་རུ་ར་བཞག་བཞིན། །རྡོ་རྗེ་མིག་གིས་དེ་མཐོང་འགྱུར། །སངས་རྒྱས་ཞིང་ནི་གང་དག་ཏུ།།
177a7 སྒྲ་གྲགས་པ་ནི་ཇི་སྙེད་བ། །རྣམ་པ་ལ་གནས་མ་ནོར་བར། །སྐད་ཅིག་གིས་ནི་དེ་ཀུན་ཐོས། །གངྒཱའི་བྱེ་སྙེད་ཞིང་དག་དང་། །སྐུ་ལ་སོགས་པ་གསུམ་གྱིས་མཚན། །སེམས་ཞེས་བཤད་པའི
iiif viewer powered by OpenSeadragon
