| e-texts navigator |
| Wylie |
176a1 @#། །པར་གྱུར་ལས། །དགོངས་པས་གཅིག་ཤོས་བཟློག་པ་ཡིན། །ཤ་ཆེན་དང་ནི་བཤང་གཅི་དང་། །གླང་པོ་རྟ་ཁྱི་བ་ལང་དག་།མི་རྟོག་གཅིག་པའི་སྒྲུབ་པ་ཡིས
176a2 དམ་ཚིག་གཅིག་ཏུ་དེ་འགྲུབ་འགྱུར། །བསྟན་པས་འདི་ནི་སྒྲུབ་པ་ནི། །སྔགས་ཀྱི་ལོངས་སྤྱོད་རྣལ་འབྱོར་པ། །རྡོ་རྗེ་སྦྱོར་བའི་གསང་བ་ཡིས། །སྒྲུབ་པ་འདི་དང་ལྡན་པར་འགྱུར།།
176a3 དེ་ནི་སངས་རྒྱས་བྱིན་རློབ་ཅིང་། །རྣམ་ཀུན་རྡོ་རྗེ་ཅན་གསུམ་དང་། །སྙིང་གར་ཡེ་ཤེས་དམ་ཚིག་དང་། །དབུ་རྒྱན་ལ་ནི་རྡོ་རྗེ་འཛིན། །སངས་རྒྱས་ཐམས་ཅད་ཚིམ་འགྱུར་བའི། །འདི
176a4 ནི་དམ་ཚིག་སྡོམ་པའོ། །དངོས་གྲུབ་ཐམས་ཅད་སྟེར་བའི་མཆོག་།དམ་ཚིག་མཆོག་འདིས་རབ་ཏུ་བྱ། །དམ་ཚིག་ཀུན་གྱི་དམ་པ་སྟེ། །རྡོ་རྗེ་ཟས་ཀྱི་ཏིང་འཛིན་ཏོ། །དེ་ནས་འགྲོ་ལ
176a5 ཕན་པའི་མགོན། །གཙོ་བོ་རྣམ་སྣང་ཆེན་པོ་ལ། །གསང་བའི་དགོངས་པ་དམ་པ་ནི། །རྡོ་རྗེ་འཛིན་པས་སླར་ཡང་ཞུས། །གང་ཞིག་སྤྱི་བོར་བརྟགས་པ་ནི། །གཅིག་པུ་ཉིད་དུ་གྱུར་པ
176a6 དེས། །རི་རབ་སུམ་ཅུ་རྩ་དྲུག་ཏུ། །མུ་སྟེགས་རྣམས་ཀྱིས་འཚལ་མི་འགྱུར། །རང་གི་བསྟན་བཅོས་བརྡ་ཡིས་ནི། །ཕྱི་རོལ་བ་དེ་རྣམ་རྟོག་ལ། །ཏིང་འཛིན་བརྟགས་པ་འདི་དག་ཀྱང་།།
176a7 འདི་ལ་རང་གི་ངོ་བོ་མེད། །ཚངས་སྒོ་མཛོད་ཀྱི་རྒྱུད་ལས་ནི། །རི་རབ་གཅིག་དང་བཅས་པར་བཤད། །བྱིས་པ་མཆོག་ནི་རྨོངས་བྱེད་པ། །གསུང་འདི་སྐྱེ་བོ་ལྟུང་བར་འགྱུར། །དེ་ནས
iiif viewer powered by OpenSeadragon
