| e-texts navigator |
| Wylie |
174b1 སྐུ་གསུང་ཐུགས་ཀྱི་སྒྲུབ་པ་ཡིས། །བསམ་གཏན་ཉིད་ཀྱིས་སྒྲུབ་པར་འགྱུར། །དམ་ཚིག་ཆེན་པོ་འབྱུང་བ་ཡི། །དམ་ཚིག་དངོས་གྲུབ་ཅེས་བྱ་བའི། །མི་ཕྱེད་རྡོ་རྗེ་གསུམ་དབང་ཕྱུག་།སྣ
174b2 ཚོགས་བཅོམ་ལྡན་འདས་ཀྱིས་གསུངས། །སྡུག་བསྔལ་དང་ནི་ཀུན་འབྱུང་ཉིད། །འགོག་དང་ལམ་སྟེ་བཞི་པོ་ནི། །ལམ་གྱི་བཞི་མདོར་ཡང་དག་བཤད། །སྒྲུབ་པ་པོ་ནི་གནས་མིང
174b3 ཅན|་|ཤིང་གཅིག་དྲུང་དུ་ཡང་དག་རྟོག་། ཆོས་དང་རྫོགས་ལོངས་སྤྱོད་མིང་ཅན། །སྣ་ཚོགས་མཚན་གཅིག་ཡང་དག་དགོང་། །མཚན་མ་རྐྱེན་གྱི་གཟུགས་ཅན་ནོ། །འབྱིན་དང་རྔུབ་པ
174b4 ཉིད་དང་ནི། །གནས་པ་ཡིས་ནི་ཉེར་མཛེས་པ། །ཡིད་སྟོན་པ་ཡི་མཉམ་སྦྱོར་ལ། །རབ་ཏུ་ཞི་བའི་ཞི་གནས་སུ། །དུས་གསུམ་རྟོག་པ་གཅིག་ལས་འདས། །རྡོ་རྗེ་ལྕགས་ཀྱུ་ཁྱད་པར
174b5 དང་། །སྒྲུབ་པ་པོ་ནི་རྟག་ཏུ་སྒྲུབ། །སྦྱོར་གསུམ་སྔགས་ཀྱི་སྐྱེས་བུ་ནི། །སྦྱོར་གསུམ་རྡོ་རྗེ་ཅན་བསམས་པ། །སྐུ་གསུང་ཐུགས་ཀྱི་ལྕགས་ཀྱུ་འོ། །སངས་རྒྱས་ཡེ་ཤེས་བློ་ཅན་གྱི། །མི
174b6 གསལ་གསལ་བར་ཡང་དག་ལྡན། །དེ་བཞིན་ཉིད་ཀྱི་ངོ་བོ་ལས། །འགྲོ་བ་ཐམས་ཅད་དགུག་པར་བྱ། །རླུང་གི་དཀྱིལ་འཁོར་མཆོག་གནས་པ། །སངས་རྒྱས་དགུག་པ་དམ་པ་ཡིན། །
174b7 གནས་མེད་གནས་པའི་སྦྱོར་བ་ཡིས། །དེ་ཉིད་སྔགས་དོན་རྣལ་འབྱོར་པས། །འགྲོ་བ་འདོད་པའི་ལོངས་སྤྱོད་ཀྱང་། །མི་གསལ་སྦྱོར་བས་སྦྱོར་བར་བྱེད། །གང་ཡང་དམ་ཚིག་ཕྱོགས
iiif viewer powered by OpenSeadragon
