| e-texts navigator |
| Wylie |
174a1 @#། །ཆུ་བོའི་གསེར་མདོག་གམ། །ཉི་མ་འཆར་ཀའི་འོད་འདྲ་བའི། །ནམ་མཁའི་དབྱིངས་ཀྱི་དབུས་གནས་པར། །རྡོ་རྗེ་མི་ཕྱེད་རབ་བསྒོམས་ཏེ། །ལག་ཏུ་རྡོ་རྗེ
174a2 བསྒོམས་ན་ནི། །རྡོ་རྗེའི་རིག་པ་འཛིན་པར་འགྱུར། །རྡོ་རྗེ་མཆོག་གི་སྒྲུབ་པ་འདི། །རྡོ་རྗེ་སྐུ་ཡི་སྦྱོར་བ་ལས། །རྡོ་རྗེ་རིགས་ཀྱི་མཆོག་བསྒོམས་པས། །ཡེ་ཤེས་རྡོ་རྗེ་དག་གིས་བྱ། །
174a3 ནམ་མཁའི་ཁམས་ཀྱི་དབུས་གནས་པར། །རིན་ཆེན་ལ་ནི་རིན་ཆེན་བསྒོམས། །དེ་ཉིད་ལག་ཏུ་ལེགས་བཞག་ན། །རིན་ཆེན་རིག་པ་འཛིན་པར་འགྱུར། །རིན་ཆེན་མཆོག་གི་སྒྲུབ་པ
174a4 འདི|་|རིན་ཆེན་སྐུ་ཡི་སྦྱོར་བ་ལས། །རིན་ཆེན་རིགས་ཀྱི་མཆོག་བསྒོམས་པ། །ཡེ་ཤེས་རྡོ་རྗེ་དག་གིས་བྱ། །ནམ་མཁའི་དབྱིངས་ཀྱི་དབུས་གནས་པར། །ཚེ་དཔག་མེད་པ་རབ་བསྒོམས
174a5 ལ|་|ལག་ཏུ་པདྨ་བསྒོམས་ན་ནི། །པདྨའི་རིག་པ་འཛིན་པར་འགྱུར། །པདྨ་མཆོག་གི་སྒྲུབ་པ་འདི། །པདྨའི་སྐུར་ནི་སྦྱོར་བ་ལས། །པདྨའི་རིགས་ཆེན་བསྒོམས་པ་ནི། །ཡེ་ཤེས་རྡོ་རྗེ་དག
174a6 གིས་བྱ|་|ནམ་མཁའི་དབྱིངས་ཀྱི་དབུས་གནས་པར། །དོན་ཡོད་མཆོག་ནི་རབ་བསྒོམས་ལ། །ལག་ཏུ་རལ་གྲི་རབ་བསྒོམས་ན། །རལ་གྲིའི་རིག་བ་འཛིན་པར་འགྱུར། །དམ་ཚིག་མཆོག
174a7 ནི་འདི་སྒྲུབ་པ། །སྐུ་ཡི་དམ་ཚིག་སྦྱོར་བ་ལས། །དམ་ཚིག་རྡོ་རྗེ་རིགས་བསྒོམས་པ། །ཡེ་ཤེས་རྡོ་རྗེ་དག་གིས་བྱ། །བསྒྲུབ་བྱ་རྡོ་རྗེའི་དབྱེ་བ་ཡིས། །མདུང་ཐུང་རྡོ་རྗེ་ལྕགས་ཀྱུ་སོགས། །
iiif viewer powered by OpenSeadragon
