| e-texts navigator |
| Wylie |
173a1 @#། །རྣམས་ཀུན་གྱི་གནས་བསྒོམས་ན། །རྡོ་རྗེ་ཆོས་དང་འདྲ་བར་འགྱུར། །སུམ་ཅུ་རྩ་དྲུག་གནས་སྦྱོར་བའི། །རི་རབ་རྡུལ་ཕྲན་གྲངས་སྙེད་ཀྱི། །སངས་རྒྱས་རྡོ་རྗེ་མཆོག
173a2 གི་ནི|་|དཀྱིལ་འཁོར་ལ་ནི་བདག་ཉིད་འཇོག་། གོས་མེད་མཉམ་ཉིད་ཡེ་ཤེས་ཀྱི། །རྡོ་རྗེ་པདྨོ་གྲུ་བཅས་སྦྱིན། །སོ་སོར་རྟོག་པ་ཞེས་བྱ་བའི། །ཏིང་ངེ་འཛིན་ནི་ཡང་དག་བཤད། །
173a3 ཤིན་ཏུ་གྲངས་མེད་བསྐལ་པར་ནི། །གྲངས་ཀྱི་མིང་གིས་གནས་པར་ནི། །གནས་ཤིང་སྒོམ་པར་བྱེད་པ་ཡིན། །དེ་ཡི་ཡེ་ཤེས་ལྔར་ལྡན་པ། །སངས་རྒྱས་ཀུན་གྱི་དགོངས་པ་ནི། །
173a4 འཇིག་རྟེན་ཕན་ཕྱིར་གསུངས་པ་རྣམས། །ཕྱོགས་བཅུའི་སངས་རྒྱས་མཐའ་ཡས་པའི། །ཡོན་ཏན་གསུམ་ནི་ཡོངས་སུ་བསྟེན། །འོད་ཟེར་ལྔ་ཡི་མདོག་འདྲ་བའི། །རང་སྔགས
173a5 ལས་བྱུང་རལ་གྲི་ནི། །བློ་ལྡན་ལག་པར་དེ་བཞག་ན། །རྡོ་རྗེ་རིག་པ་འཛིན་པར་འགྱུར། རང་གི་སྔགས་ཀྱི་ཁོང་ཆུད་འདི། །ཧོ་ཧོ་ཧཱུཾ་དེ་ཁམས་གསུམ་པ། །པདྨ་སྤངས་པའི
173a6 ཚངས་པ་ཆེར། །རྣལ་འབྱོར་པ་དེ་འགྱུར་བ་ཡིན། །ཁམས་གསུམ་ཀུན་གྱིས་ཆེར་མཆོད་ཅིང་། །ཚངས་དང་ལྷ་མིན་ཕྱག་བྱས་པ། །སྟོང་གསུམ་མི་ཡི་མཆོག་གཅིག་པུ། །དབང
173a7 ཆེན་པོ་ཡི་ཚངས་པར་འགྱུར། །ཐུགས་ཀྱི་རྡོ་རྗེ་མཆོག་བསྒོམས་པས། །དངོས་གྲུབ་ཇི་ལྟར་འདོད་པ་དག་།སྐུ་གསུང་ཐུགས་ཀྱི་རྡོ་རྗེ་ལས། །དེ་ནི་དེ་མ་ཐག་ཏུ་འཐོབ། །རང་གི་རྡོ
iiif viewer powered by OpenSeadragon
