| e-texts navigator |
| Wylie |
175a1 @#། །བས་ཧཱུཾ་སྒྲོགས་ཤིང་། །འདི་ཡི་ཡེ་ཤེས་དབང་ཕྱུག་ལྷ། །དེ་ཡི་དབུས་སུ་རབ་ཏུ་གྲགས། །ཤར་དུ་ལྷ་མོ་སྒྲོལ་མ་དང་། །བྱང་དུ་དེ་བཞིན་གོས་དཀར་མོ། །
175a2 ནུབ་ཏུ་ལྷ་མོ་མཱ་མ་ཀཱི། སངས་རྒྱས་སྤྱན་ནི་ལྷོ་རུའོ། །གཟུགས་ནི་མཐེ་བོའི་ཚད་ཙམ་དུ། །བདག་ཉིད་ལྷ་ཡི་ལྷ་ཉིད་དོ། །ལྕེ་ལ་མཆུ་ནི་སྦྱར་བར་བྱ། །ནམ་མཁའ་རྣ་བ་སྣ་དག་ལའོ།།
175a3 མིག་ལ་ས་འདི་རྣམ་པར་ཤེས། །དེ་བཞིན་ཚངས་པར་འབར་བའི་མེ། །མགྲིན་པར་རྨོངས་པའི་ས་ཉིད་དང་། །གཡོ་བ་སྙིང་ལ་གནས་པ་ཉིད། །ཐམས་ཅད་ཉོན་མོངས་བྲང་དང་ནི། །
175a4 ཕྱུགས་གཉིས་ལྟེ་བའི་རྩ་བར་རོ། །ཡན་ལག་བརྒྱད་དུ་བཀོད་ནས་ནི། །འདི་ཉིད་ལྷ་ནི་ཤེས་པར་བྱ། །རྣམ་ཤེས་རྩ་ནས་དྲངས་པ་ཡི། །དེ་བཞིན་དུ་ནི་བདུད་རྩི་དགུ་།སྟེང་གི་མཆེ
175a5 བ་གཉིས་པའི་རྩ། །ཀུན་ཏུ་ཚྭ་བཞིན་ཞུ་ལྟར་བབས། །ཇི་བཞིན་ཆུ་ནི་འོ་མའི་མིང་། །ལྕེ་ཡི་སྟེང་དུ་བསྟེན་པ་ཡི། །ཉི་མ་ཐིག་ལེ་འབར་བ་ཡིས། །འཁོར་ལོ་ཕྲ་རབ་རྡུལ་བཞིན་ནོ། །
175a6 སྟེང་གི་ནམ་མཁའ་ནམ་མཁའ་ནི། །བསྲེག་པའི་བདག་ཉིད་དུ་ནི་ཐིམ། །གཡོན་པའི་དབུགས་ནི་བུད་མེད་ཉིད། །གཡས་པ་དེ་བཞིན་སྐྱེས་བུའོ། །འོག་དང་སྟེང་ནི་འདི་ཡི་རྩ། །འོག་ནི
175a7 སྔོན་དུ་རབ་ཏུ་གྲགས། །དབུགས་དང་དྲི་ནི་མཉམ་དྲངས་ནས། །རྒྱས་པའི་ལྔ་ཡི་སྟེང་དུ་ནི། །རྣམ་ཤེས་གཉིས་ཀྱི་རྩ་ནས་དྲང་། །བདུད་རྩི་དེ་ལ་རྣམ་པར་ཐིམ། །ཡེ་ཤེས་དབང་ཕྱུག
iiif viewer powered by OpenSeadragon
