| e-texts navigator |
| Wylie |
174b1 འདས་ལ་འདི་སྐད་ཅེས་གསོལ་ཏོ། །གསང་བ་སྦྱོར་བའི་ཁྱད་པར་དང་། །བདག་ནི་དེ་ཉིད་ཇི་ལྟར་ལྷ། །ཆུ་དང་མེ་ནི་ཇི་ལྟར་ལགས། །ཇི་ལྟར་རབ་མཛེས་ནམ་མཁའ་དང་། །ཡེ་ཤེས
174b2 ཇི་ལྟར་འཚལ་བགྱི་བ། །ཡེ་ཤེས་དབང་ལ་ཉན་པར་འཚལ། །འཁོར་བ་ལས་བསྒྲལ་མཚན་ཉིད་དག་།ཉོན་ཅིག་དཔལ་ལྡན་རྡོ་རྗེ་འཆང་། །དང་པོར་དབང་གི་མཚན་ཉིད་དང་།།
174b3 གཉིས་པར་ཡི་གེ་གཅིག་དང་ནི། །གསུམ་པར་ས་བོན་བརྒྱད་པ་དང་། །བཞི་པར་རྩ་ཡི་ལྷ་ཉིད་དོ། །བདག་ཉིད་ལུས་ཀྱི་ཡེ་ཤེས་མེ། །བློ་ལྡན་རྣལ་འབྱོར་པས་ཤེས་བྱ། །ལྟོ་བ
174b4 མེ་ཡི་ཐབ་ཁུང་དུ། །དེ་ཡི་མེ་ལ་སྦྱིན་སྲེག་བྱ། །སྟེང་དང་འོག་དང་དབུས་སུ་ནི། །རྣམ་ཤེས་རྩ་ནི་བསྡམ་པར་བྱ། །ཐོག་མར་བདག་ཉིད་ལྟོ་བ་རུ། །རྩ་ཡི་ལྷ་ནི་རྣམ་པར་བསྒོམ། །ལྟེ
174b5 བའི་མེ་ནི་འབར་བ་ལ། །ཁྱད་པར་ཁ་དོག་བསྒོམ་པ་ནི། །ལྟེ་བའི་མེ་ནི་དཀར་པའོ། །གཡོན་པའི་མེ་ནི་དེ་བཞིན་སེར། །ལྷོ་ནི་སྔོན་པོའི་མིང་ཅན་ཏེ། །ལྷག་མ་འདི་ནི་དམར་པོར་སྦྱང་།།
174b6 དེ་དབུས་ཁ་དོག་སྔོ་བསངས་སུ། །མེ་ཡི་དུ་བར་རབ་ཏུ་གྲགས། །མེ་ཡི་དབུས་སུ་པདྨ་ཉིད། །ཉི་མའི་དཀྱིལ་འཁོར་གྱིས་བརྒྱན་པ། །དེ་ཡི་དབུས་སུ་ཡེ་ཤེས་ལྷ། །འཁོར་བ་ཀུན
174b7 ལས་གྲོལ་བར་མཛད། །ཕྱག་གཉིས་སྦྱོར་བའི་གདན་ལ་ནི། །རྡོ་རྗེ་དྲིལ་བུས་རྣམ་པར་བརྒྱན། །གཡས་ཀྱི་ལག་ན་རྡོ་རྗེ་དང་། །རྒྱན་རྣམས་མཐོན་ཀའི་རྩེ་མོ་ཅན། །བཞད་དང་ཁྲོ
iiif viewer powered by OpenSeadragon
