| e-texts navigator |
| Wylie |
520a1 @#། །པའི་འདོད་ཆགས་རྙེད་པ་ཡིན་ན་དེའི་འདོད་ཆགས་ལ་སོགས་པ་ཡོངས་སུ་མི་སྤོང་བར་སྤྱོད་ན། འོན་ཏེ་རིམ་པའི་ཁྱད་པར་ལས་ཡོན་ཏན་གྱི་ཁྱད་པར
520a2 འབྱུང་བར་འགྱུར་རོ། །དཔེར་ན་ཀེ་ཏ་ཀའི་མེ་ཏོག་དྲིའི་གླང་པོ་ཆེས་ཟོས་ན་གླ་རྩི་ལ་སོགས་པའི་དངོས་པོར་འགྱུར་རོ། །གླང་པོ་ཆེ་ཕལ་པས་ཟོས་ན་ལྕི་བའི་དངོས་པོར་འགྱུར
520a3 རོ|་|དེ་བས་ན་དེ་ལ་ཀོ་ཏ་ཀའི་མེ་ཏོག་གི་སྐྱོན་མ་ཡིན་ཏེ། དེ་བཞིན་དུ་འདོད་ཆགས་ལ་སོགས་པ་ཡང་རྣམ་པར་དག་པའི་རིམ་པ་ལ་གནས་པས་བསམ་པའི་ཁྱད་པར་གྱི་སྦྱོར
520a4 བ་ལས་ཁྱད་པར་དུ་འཕགས་པ་ཉིད་ཀྱི་འབྲས་བུ་སྨིན་པར་འགྱུར་རོ། །དཔེར་ན། འོ་མ་སྤྲུལ་ལ་སོགས་པས་འཐུངས་ན་དུག་གི་དངོས་པོར་འགྱུར་རོ། །གཞན་ཡང་། སྐྱེས
520a5 བུས་འཐུངས་ན་བདུད་རྩིའི་དངོས་པོར་སྐྱེ་བར་འགྱུར་རོ། །དེ་ལྟར། རིགས་ཀྱི་བུ། འདོད་ཆགས་ལ་སོགས་པ་བསམ་པའི་ཁྱད་པར་གྱིས་རང་བཞིན་གྱིས་ཁ་ན་མ་ཐོ་བ་མེད་པའི
520a6 ཕྱིར་སྦྱོར་བས་དངོས་པོ་ཁྱད་པར་ཅན་གྱི་འབྲས་བུ་འབྱུང་བར་འགྱུར་རོ། །གང་དང་། གང་ཁྱད་པར་དུ་འཕགས་པའི་རྒྱུན་གྱི་དངོས་པོ་དང་ལྡན་པ་དེ་དང་། དེའི་འབྲས་བུ་ཁྱད
520a7 དུ་འཕགས་པ་འབྱུང་ངོ་། །དཔེར་ན། ཀེ་ཏ་ཀ་ལ་སོགས་པ་དེ་རྣམས་ཀྱི་ཁྱད་པར་དུ་འཕགས་པའི་རིམ་པ་ལ་གནས་པ། འདོད་ཆགས་ལ་སོགས་པའི་རང་བཞིན་རྣམ་པར
iiif viewer powered by OpenSeadragon
