| e-texts navigator |
| Wylie |
541a1 བ་མེ་ལྟར་ཤེས་པར་གྱིས། །ངོས་བཟུང་མེད་པ་ལྟ་བའི་མཆོག་།འབྱུང་བ་རླུང་ལྟར་ཤེས་པར་གྱིས། །དེ་ནས་ཡང་སྟོན་པས་གསུངས་པ། འཕོ་འགྱུར་མེད་པ་ལྟ
541a2 བའི་མཆོག་། རི་བོ་ལྟ་བུར་ཤེས་པར་གྱིས། །གཡོ་འགུལ་མེད་པ་ལྟ་བའི་མཆོག་།རྒྱ་མཚོ་ལྟ་བུར་ཤེས་པར་བྱ། །གསལ་ལ་མ་འདྲེས་ལྟ་བའི་མཆོག་།འཇའ་ཚོན་ལྟ་བུར་ཤེས་པར
541a3 གྱིས|་|གཉིས་སུ་མེད་པ་ལྟ་བའི་མཆོག་། ག་པུར་ལྟ་བུར་ཤེས་པར་བྱ། །དེ་ནས་ཡང་གསང་བས་ཚིག་འདི་གསུངས་ཏེ། ཟིལ་གྱིས་གནོན་པ་ལྟ་བའི་མཆོག་།སེང་གེ་ལྟ་བུར་ཤེས
541a4 པར་བྱ། །ཉམ་ང་མེད་པ་ལྟ་བའི་མཆོག་།གླང་ཆེན་ལྟ་བུར་ཤེས་པར་བྱ། །སྟོབས་དང་ལྡན་པ་ལྟ་བའི་མཆོག་།རྟ་མཆོག་ལྟ་བུར་ཤེས་པར་བྱ། །ཀུན་ཏུ་རྒྱུག་པ་ལྟ་བའི་མཆོག
541a5 སྟག་མོ་ལྟ་བུར་ཤེས་པར་བྱ། །འཇིགས་པ་མེད་པ་ལྟ་བའི་མཆོག་།དོམ་བུ་ལྟ་བུར་ཤེས་པར་བྱ། །དེ་ནས་ཡང་གསང་བའི་ཚིག་འདི་གསུངས་ཏེ། སྐྱོན་གྱིས་མ་གོས་ལྟ་བའི
541a6 མཆོག་། བྱང་ཆུབ་སེམས་དེ་དཀར་པོར་སྣང་། །དུས་གསུམ་མི་འགྱུར་ལྟ་བའི་མཆོག་།བྱང་ཆུབ་སེམས་དེ་ནག་པོར་སྣང་། །ཡོན་ཏན་རྒྱས་པ་ལྟ་བའི་མཆོག་།བྱང་ཆུབ
541a7 སེམས་དེ་སེར་པོར་སྣང་། །ཀུན་ལ་ཁྱབ་པ་ལྟ་བའི་མཆོག་།བྱང་ཆུབ་སེམས་དེ་དམར་པོར་སྣང་། །ཕྲིན་ལས་རྫོགས་པ་ལྟ་བའི་མཆོག་།བྱང་ཆུབ་སེམས་དེ་ལྗང་ཁུར་ཤར།།
iiif viewer powered by OpenSeadragon
