| e-texts navigator |
| Wylie |
517b1 པ|་|དེ་ནི་རྣལ་འབྱོར་ཤེས་པ་ཡིན། ། གྲ་གཙོ་བོ་ཞེས་བརྗོད་ཅིང་། ། གྲ་དམ་པ་ཞེས་བྱ་ལ། ། གྲ་དང་པོ་ཞེས་བཤད་ཅིང་། ། གྲ་སྤྱི་བོར་གནས་པའོ། །རང་གི་མིང་དང
517b2 ལྡན་པ་ཡིས། །སྡིག་པ་དག་ནི་སེལ་བར་བྱེད། །ཡང་ན་ས་ནི་ཨ་སོགས་ཏེ། །དེ་རྣམས་ཨ་གྲ་ཧ་ཞེས་བྱ། །མགོར་གནས་འོག་ཏུ་བལྟས་ནས་ནི། །ཡི་གེ་ཐ་སྙད་ཚར་དུ་འབེབས།
517b3 ཐ་སྙད་ཅེས་བྱ་བ་ནི། དབྱངས་དང་། གསལ་བྱེད་རྣམས་ཏེ། །དེ་རྣམས་ཀྱིས་འཚོ་བར་གྱུར་པའོ། །དབྱངས་ཞེས་བྱ་བ་ལ། །སྭ་ནི། རང་ཉིད་ཀྱིས་སོ། །ར་ནི་མཛེས་པ་སྟེ།
517b4 དེས་ན་མེ་སྭ་རའོ། །ཧ་ནི་སྐལ་བཟང་ཡི་གེ་སྟེ། །རྣམ་པའི་མཆོག་ཀུན་ལྡན་པ་དང་། །རྒྱན་རྣམས་ཀུན་གྱིས་ཀླུབས་པ་ཡིན། །རྡོ་རྗེ་སེམས་སོགས་ལྷ་རྣམས་སུ། །བདག་གི
517b5 ལུས་ནི་བསམ་པར་བྱ། །བསམ་གཏན་སྦྱོར་བ་འདི་ཡིས་ནི། །སྡིག་པ་ཀུན་ལས་གྲོལ་འགྱུར་ཞིང་། །བསོད་ནམས་ཀུན་དང་ལྡན་པ་རུ། །དངོས་པོ་གསུམ་ནི་ཡང་དག
517b6 གནས|་|བྲིས་པས་བསོད་ནམས་གང་མཐོང་བ། །བསམ་པས་ཀྱང་ནི་དེ་བཞིན་མཐོང་། །སློབ་མ་བདག་ཉིད་ཆེན་པོ་ལ། །འདི་ཡིས་དབང་ནི་བསྐུར་བར་བྱ། །དབང་བསྐུར
517b7 དམ་པ་བསྒོམ་བྱར་འདོད། །གང་དང་གང་གི་ལྷ་ཡི་མཆོག་།དེ་དང་དེ་ནི་སློབ་དཔོན་འགྲོ། །གང་དང་གང་ལ་ལྷག་མོས་པ། །དེ་དག་ཀུན་གྱིས་དབང་བསྐུར་བྱ། །དབང་ནི་རྣམ
iiif viewer powered by OpenSeadragon
