| e-texts navigator |
| Wylie |
240b1 དང་གཞན་གྱི་བུད་མེད་རྣམས་སྤངས་དེ་བཞིན་གཞན་ནོར་ཆང་འཐུང་དག་ཀྱང་སྟེ། །འཁོར་བའི་རྡོ་རྗེ་ཞགས་པ་རང་གི་དགེ་བ་འཇོམས་པར་བྱེད་པ་སྡིག་པ་ལྔ་པོ་འདི་ཉིད་རྣམས། །གང་ཞིག་གང་གི་དུས་སུ
240b2 བྱུང་བའི་ལྷ་དང་མི་ཡི་བླ་མ་དེ་ཡི་མིང་གིས་རབ་ཏུ་སྦྱིན་བྱས་པའི། །སྣ་ཚོགས་གཙོ་བོའི་བཀའ་སྩལ་འདི་ཡིས་སྲིད་པའི་འཇིགས་པ་འཇོམས་པས་ཁྱོད་རྣམས་ཀྱིས་ཀྱང་བསྐྱང་བར་གྱིས།
240b3 རྒྱན་འགྱེད་ཁ་ན་མ་ཐོ་བཅས་པའི་ཟས་དང་ཚིག་ངན་ཀློག་དང་འབྱུང་པོ་ལྷ་མིན་ཆོས་རྣམས་དང་། །བ་ལང་བྱིས་པ་བུད་མེད་སྐྱེས་པ་རྣམས་དང་ལྷ་དང་མི་རྣམས་བླ་མ་ལྔ་ནི་གསད་མི་བྱ།
240b4 གྲོགས་དང་རྗེ་བོ་དང་ནི་ལྷ་མིའི་བླ་མ་དགེ་འདུན་དབུགས་འབྱིན་རྣམས་ལ་འཁུ་བ་དང་། །དབང་པོ་རྣམས་ཀྱིས་ཡོངས་སུ་ཆགས་རྣམས་མིན་ཏེ་སྲིད་པའི་བདག་པོའི་བརྟུལ་ཞུགས་ཉི་ཤུ་རྩ
240b5 ལྔའོ|་|དཔལ་ལྡན་སྔགས་ཀྱིས་མངོན་པར་བསྔགས་པ་ལག་པའི་པདྨ་ཁ་སྦྱར་དུ་ནི་མེ་ཏོག་གཅིག་བྱིན་ཏེ། །དབང་པོ་ལན་གསུམ་བསྐོར་ཏེ་ལག་པའི་པདྨ་ཁ་སྦྱར་གནས་པའི་མེ
240b6 ཏོག་དཀྱིལ་འཁོར་དུ་ནི་ངོར། །གནས་གྱུར་གང་དུ་མེ་ཏོག་བཟང་པོ་ལྷུང་བ་དེ་ཉིད་དེ་ཡི་རིགས་སུ་དེས་སོ་མི་བདག་ཀྱེ། །ཕྱི་ནས་དབང་བདུན་རྣམས་དང་རྣམ་གསུམ་འདིར་ནི་ཇི་ལྟ་བ
240b7 བཞིན་བླ་མེད་ཡང་དག་རབ་ཏུ་སྦྱིན། །ཀླུ་རྣམས་ཀྱིས་ས་མ་བཞིས་ཏེ་རྒྱལ་བ་རྣམ་རྒྱལ་བཅས་པའི་བུམ་པ་ནོར་བུ་གསེར་གྱི་བུམ་པའམ། །ས་ལས་བྱུང་བ་རྣམས་སུ
iiif viewer powered by OpenSeadragon
