| e-texts navigator |
| Wylie |
237b1 གཉིས། འགྱུར་ཆད་འགྱུར་ལྷག་གཉིས། འགྱུར་འཁྲུག་འགྱུར་ལོག་གཉིས། འགྱུར་དམན་འགྱུར་བཅོས་གཉིས་ཏེ་འགྱུར་སྐྱོན་བརྒྱད་དང་བྲལ་བའོ། །དུས་འཁོར་བསྡུས་རྒྱུད་ཀྱི་སྙིང་པོ་འདི་སྙེ་ཐང་རིན་ཆེན་གླིང་བླ་མས
237b2 ཤོད་སྨད་འཇང་ཕུ་ལྷ་ཁང་གི་དཔེ་ཁྲོད་ནས་རྙེད་པ་པཎ་ཆེན་དཔལ་ལྡན་ཡེ་ཤེས་ལ་གཟིགས་སུ་ཕུལ་བས། ཁོང་གི་ཞལ་ནས་འདི་ནི། རིགས་ལྡན་འཇམ་དཔལ་གྲགས་པས་དུས་འཁོར་བསྡུས་རྒྱུ།
237b3 ལས་ཀྱང་ཤིན་ཏུ་སྙིང་པོར་བཀའ་བསྡུ་མཛད་པ། བྱང་ཤམྦྷ་ལར་རིགས་ཀྱི་བུའམ་རིགས་ཀྱི་བུ་མོ་ཐམས་ཅད་ཀྱིས་ཁ་ཏོན་དུ་ཀློག་པ། བོད་ཀྱི་བཀའ་འགྱུར་གྱི་ནང་དུ་མ་ཚུད་པ་ངོ་མཚར་བྱེ་བའི་འབྱུང
237b4 གནས་ཡིན། ཞེས་གསུངས་སོ།། །།རྒྱ་གར་སྐད་དུ། ཤྲཱི་ཀཱ་ལ་ཙཀྲ་གརྦྷ་ནཱ་མ་ཏནྟྲ། བོད་སྐད་དུ། དཔལ་དུས་ཀྱི་འཁོར་ལོ་ཞེས་བྱ་བའི་རྒྱུད་ཀྱི་སྙིང་པོ། འཇམ་དཔལ་གཞོན་ནུར་གྱུར་པ་ལ
237b5 ཕྱག་འཚལ་ལོ། །ཐམས་ཅད་མཁྱེན་པའི་ཡེ་ཤེས་སྐུ། །ཉིན་མོར་བྱེད་པའི་འོད་ལྟ་བུ། །པདྨའི་འདབ་མ་འདྲ་བའི་སྤྱན། །སངས་རྒྱས་སེངྒེའི་གདན་ལ་བཞུགས། །ལྷ་ཡི་མཆོག་གིས་ཕྱག་བྱས་པ
237b6 སྤྱི་བོས་གཏུགས་ཏེ་ཕྱག་འཚལ་ལོ། །རྒྱལ་པོ་ཟླ་བ་བཟང་པོས་ཞུས། །ཡན་ལག་པདྨ་སྦྱར་བ་ནི། །ཡན་ལག་མཆོག་ལ་བཞག་བྱས་ཏེ། །དུས་ཀྱི་འཁོར་ལོའི་སྦྱོར་བ་ནི། །རྩོད་པ་དག་གི་དུས་ཀྱི་ནི
237b7 མི་རྣམས་གྲོལ་ཟའི་རྒྱུ་རུའོ། །སོ་སོར་སྡུད་པ་རྣམ་པ་བཅུ། །རྒྱལ་བ་ཡི་ནི་དབང་པོར་འགྱུར། །དེ་བཞིན་བསམ་གཏན་མི་བསྐྱོད་པ། །སྲོག་དང་རྩོལ་བ་རལ་གྲི་ཅན། །སླར་ལ་ཡང་ནི་རྣམ་པ
iiif viewer powered by OpenSeadragon
