| e-texts navigator |
| Wylie |
78a1 ལ་གནས་པའི་དྲང་སྲོང་དེ་ཡང་འཁོར་ལྔ་བརྒྱ་དང་། བྱང་ཆུབ་སེམས་དཔའ་ལ་མངོན་པར་བསྟོད་དེ། བསྟི་གནས་ཉིད་དུ་སོང་ངོ་། །དེ་ནས་བྱང་ཆུབ
78a2 སེམས་དཔས་སྐྱེས་བོའི་ཚོགས་ཆེན་པོས་མངོན་པར་བཏུད་ཅིང་ཡུན་རིང་དུ་ཆོས་ཀྱི་རྒྱལ་པོ་བྱེད་པར་གྱུར་ཏོ། །འཛམ་བུ་གླིང་གི་དམན་པ་དང་། ལོང་བ་དང་། བཀྲེན་པ་དང་། སྡུག
78a3 ཕོངས་པ་ཐམས་ཅད་ནོར་གྱིས་ཚིམ་པར་བྱས་ནས། དགེ་བ་བཅུའི་ལས་ཀྱི་ལམ་ལ་རབ་ཏུ་བཞག་སྟེ། འདོད་པ་ན་སྤྱོད་པའི་ལྷ་དྲུག་ཀུན་དགའ་བར་བྱས་ནས། དུས་གཞན
78a4 ཞིག་གི་ཚེ་སྲོག་ཆགས་བརྒྱ་སྟོང་དུ་མ་རྣམས་དང་ལྷན་ཅིག་ཏུ་དུས་བྱས་ཏེ། དགའ་ལྡན་གྱིས་ལྷའི་རིས་སུ་སྐྱེས་སོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་།
78a5 དེའི་ཚེ་དེའི་དུས་ན་རྒྱལ་པོ་དཔལ་གྱི་སྡེ་ཞེས་བྱ་བ་དེ་གཞན་ཞིག་ཡིན་པ་སྙམ་དུ་ཐེ་ཚོམ་མམ། ཡིད་གཉིས་སུ་གྱུར་མཁྱེན་རྣམས་ཀྱིས་དེ་ལྟར་མི་བལྟའོ། །གཞན་དུ་ན་ང་ཉིད
78a6 དེའི་ཚེ་དེའི་དུས་ན་རྒྱལ་པོ་དཔལ་གྱི་སྡེ་ཞེས་བྱ་བར་གྱུར་ཏེ། དེའི་ཚེ་རང་གི་ལུས་ཡོངས་སུ་བཏང་ངོ་། །དགེ་སློང་དག། དེའི་དེའི་དུས་ན། རྒྱལ་པོ་དཔལ་གྱི་སྡེའི་བཙུན་མོ
78a7 རྒྱལ་པའི་འོད་དུ་གྱུར་པ་གང་ཡིན་པ་དེ་ནི་གྲགས་འཛིན་མ་འདི་ཉིད་ཡིན་ཏེ། དེའི་ཚེ་དེའི་དུས་ན་བཙུན་མོ་རྒྱལ་བའི་འོད་ཅེས་བྱ་བར་གྱུར་ཏོ། །དགེ་སློང་དག་།བློན་པོའི་མཆོག
iiif viewer powered by OpenSeadragon
