| e-texts navigator |
| Wylie |
77a1 ཞིག་ཡིན། འདི་ལྟ་བུའི་མཐུ་སུའི་ཡིན་སྙམ་མོ། །དེ་ནས་དྲང་སྲོང་དེ་ལ་བསྟི་གནས་ན་གནས་པའི་ལྷ་གཞན་གྱིས་གཏམ་འདི་རྒྱས་པར་སྨྲས་སོ། །དེ་ནས
77a2 དྲང་སྲོང་དེ་བྱང་ཆུབ་སེམས་དཔའི་ཤིན་ཏུ་དཀའ་ཞིང་བ་སྤུ་ལྡང་བའི་སྐད་ཐོས་པ་དང་། ཡང་དག་པར་དགའ་བས་བ་སྤུ་ལྡང་ཞིང་སེམས་ཅན་ཆེན་པོ་བཀུར་བར་འོས་ཞེས
77a3 བསམས་ནས། འཁོར་ལྔ་བརྒྱ་དང་། བཙུན་མོ་རྒྱལ་བའི་འོད་ཁྲིད་དེ་རིངས་པ་རིངས་པར་བྱང་ཆུབ་སེམས་དཔའི་ཐད་དུ་ཕྱིན་ནས། རྒྱལ་བ་དང་། ཚེ་འཕེལ་བར་བྱས་ཏེ་།
77a4 བརྒྱ་བྱིན་དང་ལྷན་ཅིག་སྨྲས་པ། ལྷ་ཡི་བུ་མོ་བཟང་འདྲ་བའི། །བུ་མོ་སྡུག་པ་འདི་རྣམས་ལ། །མགོན་པོ་ཁྱོད་ཀྱིས་བསྐྱང་བ་དང་། །དགེ་མ་འདི་དང་དགྱེས་པར་མཛོད། །
77a5 ཁྱིམ་ཐབ་མི་ཕྱོགས་བཙུན་མོ་སྡུག། འདི་ནི་ཁྱེད་ལ་དབུལ་ལགས་ཀྱི། །ཁྱེད་ཀྱིས་ཡང་ནི་སློང་བ་ལ། །ནམ་དུ་ཡང་ནི་མ་སྩལ་ཅིག་།དེ་ནས་བྱང་ཆུབ་སེམས་དཔས་དྲང
77a6 སྲོང་དེ་དང་། ལྷ་རྣམས་ཀྱི་དབང་པོ་བརྒྱ་བྱིན་གྱིས་གསོལ་བ་བཏབ་པ། སྙིང་རྗེས་ཅི་ཡང་མི་སྨྲ་བར་ཁས་བླངས་སོ། །དེ་ནས་ལྷའི་དབང་པོ་བརྒྱ་བྱིན་གྱིས། ལྷའི་བུ་ལས
77a7 སྣ་ཚོགས་པ་ལ་སྨྲས་པ། ལས་སྣ་ཚོགས་པ། ལྷའི་སེང་གེའི་ཁྲི་མྱུར་དུ་ཤོམས་ཤིག་།ང་ཉིད་ཀྱིས་རྒྱལ་པོ་དཔལ་གྱི་སྡེ་དབང་བསྐུར་བར་བྱའོ། །ཀོའུ་ཤི་ཀ། ལེགས་ཀྱི། དེ
iiif viewer powered by OpenSeadragon
