| e-texts navigator |
| Wylie |
76b1 དྲག|་བརྟན་པ་ཉིད་ཀྱང་བླ་ན་མེད། །ཀྱེ་མའོ་སེམས་ཅན་ལ་སྙིང་བརྩེ། །ཀྱེ་མའོ་བྱང་ཆུབ་ཡིད་ལ་བརྟན། །ཀྱེ་མའོ་མི་རིང་འཇིག་རྟེན་འདི། །མགོན་པོ་ཁྱོད་ཀྱིས་སྐྱོང་གྱུར་ཏེ། །སྡུག་བསྔལ
76b2 རྒྱ་མཚོ་དྲག་འཇིགས་ལས། །ཡང་དག་མྱ་ངན་འདའ་བར་མཛད། །དེ་སྐད་ཅེས་སྨྲས་པ་དང་། ལྷའི་དབང་པོ་བརྒྱ་བྱིན་མཆི་མ་ཆར་བཞིན་དུ་འབབ་ཅིང་སྐད་འཛེར་བཞིན་དུ། བྱང་ཆུབ
76b3 སེམས་དཔའ་ལ་བཟོད་པར་གསོལ་པར་བརྩམས་ཏེ། རྒྱལ་པོ་ཆེན་པོ། གང་བདག་གིས་ཉམས་བསྐྱེད་པའི་བསམ་པས་ཚོར་བ་དྲག་པོ་ལ་ཀུན་ཏུ་སྦྱོར་བ་བཟོད་པར་མཛོད་ཅིག་།གཞན
76b4 ཡང་|་གང་གི་ཚེ་ཁྱོད་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ་ན་ཡང་བདག་ལ་དགོངས་ཤིག་། བྱང་ཆུབ་སེམས་དཔས་སྨྲས་པ།
76b5 ཀོའུ་ཤི་ཀ། བཟོད་ཀྱི་དེ་བཞིན་དུ་བྱས་ཏེ་ངས་ཀྱང་དྲན་པར་བྱའོ། །བར་སྐབས་དེར་བྱང་ཆུབ་སེམས་དཔའི་མཐུས་དེ་མ་ཐག་ཏུ་ནམ་མཁའ་ལས་ལྷའི་རིན་པོ་ཆེའི་ཆར་རྣམ་པ་སྣ་ཚོགས་པ།
76b6 ཡིད་དུ་འོང་བ་འཛམ་བུའི་གླིང་ཐམས་ཅད་དུ་བབ་པར་གྱུར་ཅིང་། འཛམ་བུའི་གླིང་ཐམས་ཅད་དུ་རྒྱན་རྣམ་པ་སྣ་ཚོགས་ཀྱིས་གང་བར་གྱུར་བ། ལྷའི་སྣང་བ་བས་ཀྱང་གསལ་བར་གྱུར
76b7 ཏོ|་|དེ་ནས་རི་ལ་གནས་པའི་དྲང་སྲོང་དེ་ངོ་མཚར་འདི་ལྟ་བུ་རྨད་དུ་བྱུང་བ་མཐོང་བ་དང་། ངོ་མཚར་གྱིས་བསྡུས་པའི་ཡིད་ཀྱིས་བསམས་པ། སྔོན་མ་བྱུང་བའི་ངོ་མཚར་བྱུང་བ་འདི་ཅི
iiif viewer powered by OpenSeadragon
