| e-texts navigator |
| Wylie |
76a1 གྱིས་མིག་གདངས་ཏེ། ཅ་ཅོ་དང་། ག་ཞའི་སྒྲ་བསྒྲགས་སོ། །སྐྱེ་བོའི་ཚོགས་ཆེན་པོ་འདི་དག་ཐམས་ཅད་ཀྱིས་ཀྱང་ངོ་མཚར་དང་། རྨད་དུ་བྱུང་བ་དང་།
76a2 ལྷ་དང་མི་རྣམས་ཡིད་སྡུག་པར་བྱེད་པའི་ཆོ་འཕྲུལ་དང་། བྱང་ཆུབ་སེམས་དཔའི་ལུས་ཡོངས་སུ་རྫོགས་པ་མཐོང་བ་དང་། སྲོག་སྟོར་བ་ལ་སླར་རྙེད་པ་བཞིན་དུ་མཆོག་ཏུ་ངོ
76a3 མཚར་སྐྱེས་སོ། །འདི་སྐད་ཅེས་ཀྱང་སྨྲས་ཏེ། ཀྱེ་མ་ཁྱོད་ནི་སླར་འཚོ་བའི། །ངོ་མཚར་དག་ནི་བལྟ་བར་གྱིས། །ས་དང་ནགས་སུ་བཅས་པ་ཡི། །འཇིག་རྟེན་འདི་ན་སྐལ་བར
76a4 ལྡན|་|དེ་ནས་ལྷའི་དབང་པོ་བརྒྱ་བྱིན་གྱིས། བྱང་ཆུབ་སེམས་དཔའི་ལུས་སྔོན་གྱི་ཇི་ལྟ་བ་བཞིན་དུ་གྱུར་པར་མཐོང་བ་དང་། ངོ་མཚར་གྱིས་གདུངས་པའི་མིག་དང་། སྤྲོ་བ
76a5 བསྐྱེད་པའི་ཕྱིར་སྨྲས་པ། རྒྱལ་པོ་ཆེན་པོ། ཁྱོད་ཀྱི་བློ་ཤིན་ཏུ་ངེས་པ་དང་། ཁྱོད་ཀྱི་སྨོན་ལམ་མི་འགྱུར་བ་དང་། ཁྱོད་ཀྱིས་སེམས་ཅན་ལ་སྙིང་རྗེ་ཆེན་པོས་རྗེས་སུ་ཞུགས་པ་ནི
76a6 ལེགས་སོ། །ལེགས་སོ། །གང་ཡང་ཁྱོད་ནི་ཡིད་ཀུན་ཏུ་སྐྲག་པར་བྱེད་པ་རྣམས་ལ་མི་འཇིགས་པས། ཁྱོད་ཀྱི་འབད་པ་འདི་ཉིད་ཀྱིས་ཡུན་རིང་པོར་མི་ཐོགས་པར་བླ་ན་མེད་པ
76a7 ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །ལྷའི་དབང་པོ་བརྒྱ་བྱིན་གྱིས་དེའི་ཚེ་ཚིགས་སུ་བཅད་དེ་སྨྲས་པ། ཀྱེ་མ་ཁྱོད་ཀྱི་བརྩོན་རབ
iiif viewer powered by OpenSeadragon
