| e-texts navigator |
| Wylie |
75b1 སེམས་རྣམ་པ་གཞན་དུ་གྱུར་པའམ། འགྱོད་པར་མ་གྱུར་གྲང་། བྱང་ཆུབ་སེམས་དཔས་སྨྲས་པ། ཀོའུ་ཤི་ཀ། ང་ལ་ནི་འགྱོད་པ་མེད་དོ། །བརྒྱ་བྱིན་གྱིས་སྨྲས་པ། ཇི་ལྟར་ཤེས་པར
75b2 བྱ|་བྱང་ཆུབ་སེམས་དཔས་སྨྲས་པ། ཀོའུ་ཤི་ཀ། དེའི་ཕྱིར་ངའི་ལུས་ཀྱི་ཕྱེད་བཅད་པ་འདི་གནས་ཇི་ལྟ་བ་བཞིན་དུ་ཞོག་ཅིག་།དེ་ནས་ལྷའི་དབང་པོ་བརྒྱ་བྱིན་གྱིས་བྱང་ཆུབ་སེམས
75b3 དཔའི་ལུས་ཀྱི་ཕྱེད་བཅད་པ་དེ་གནས་ཇི་ལྟ་བ་བཞིན་དུ་བཞག་གོ་། དེ་ནས་བྱང་ཆུབ་སེམས་དཔས་སེམས་ཅན་ཐམས་ཅད་ལ་རྗེས་སུ་འགྲོ་བའི་བྱམས་པའི་སེམས་ཉེ་བར་བཞག་ནས།
75b4 བདེན་པ་གསོལ་བར་བྱེད་ཅིང་། དེའི་ཚེ་ཚིགས་སུ་བཅད་དེ་སྨྲས་པ། ཇི་ལྟར་བྱང་ཆུབ་འདོད་གྱུར་ནས། །སྙིང་རྗེས་ལུས་ནི་བཏང་བ་ན། །སེར་སྣ་མེད་ཅིང་ཞུམ་མེད་དེ། །དེང་ནི
75b5 འགྱོད་པར་གྱུར་པ་མེད། །འགྱོད་པའི་སེམས་ཀྱང་མེད་གྱུར་ན། །བདེན་ཚིག་འདི་དང་ལེགས་བྱས་པས། །བརྒྱ་བྱིན་དེང་ནི་ང་ཡི་ལུས། །འདི་ནི་སྔོན་གྱི་ཇི་བཞིན་དུ། །དབང་པོ་མ
75b6 ལུས་རྫོགས་གྱུར་ཅིག་། དགེ་སློང་དག་།ཚིགས་སུ་བཅད་པ་དེ་སྨྲས་པའི་རྗེས་ཐོགས་ཉིད་ལ། བྱང་ཆུབ་སེམས་དཔའི་ལུས་འཕྲལ་དུ་སྔོན་གྱི་ཇི་ལྟ་བ་བཞིན་དུ་གྱུར་ཏོ། །ནམ
75b7 མཁའི་དཀྱིལ་ན་གནས་པའི་ལྷ་དང་། ཀླུ་དང་། གནོད་སྦྱིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་རྣམས་ཀྱི་ས་ངོ་མཚར་དེ་མཐོང་བ་དང་། ངོ་མཚར
iiif viewer powered by OpenSeadragon
