| e-texts navigator |
| Wylie |
75a1 ལ|་དེ་ཡང་ང་སྤུ་ལྡང་བ་ནི་ཤིན་ཏུ་དགའ་ཞིང་ཕུལ་དུ་བྱུང་བ། མཐོང་བ་དང་། ངོ་མཚར་གྱིས་མིག་གདངས་ཏེ། ལྷའི་བུ་དེ་བཞི་དང་། ལྷན་ཅིག་ཏུ་བྲམ
75a2 ཟེའི་ཆ་བྱད་མི་སྣང་བར་བྱས་ནས། རང་གི་གཟུགས་ཀྱིས་གནས་ཏེ། བྱང་ཆུབ་སེམས་དཔའ་ལ་སྨྲས་པ། རྒྱལ་པོ་ཆེན་པོ། བདག་ནི་ལྷའི་དབང་པོ་བརྒྱ་བྱིན་ལགས་ཀྱི་བྲམ་ཟེ
75a3 མ་ལགས་སོ། །རྒྱལ་པོ་ཆེན་པོ། ལེགས་སོ། །ལེགས་སོ། །ཀྱེ་མའོ། །ཁྱོད་ཀྱི་བརྩོན་འགྲུས། ཀྱེ་མའོ། །མ་བཅོས་པར་བརྟན་པ། ཀྱེ་མའོ། །རང་གི་ལུས་ལ་མ་ཆགས་པར
75a4 ཡོངས་སུ་གཏོང་བ། ཀྱེ་མའོ། །སེམས་ཅན་རྣམས་ལ་སྙིང་བརྩེ་བ། ཀྱེ་མའོ། །སྦྱིན་པ་ལ་དགའ་བ་ལེགས་སོ། །ལེགས་སོ། །རྒྱལ་པོ་ཆེན་པོ་ཁྱོད་གང་དུ་སྡུག་བསྔལ་དྲག
75a5 པོས་བཅོམ་ཡང་སྙིང་རྗེས་རང་གི་ལུས་སྦྱིན་པ་ལ་སེམས་མི་ལྡོག་པ་དེ་ནི་ལེགས་སོ། །རྒྱལ་པོ་ཆེན་པོ་ཁྱོད་ལ་དྲིའི། ཁྱོད་ཤིན་ཏུ་དཀའ་བའི་བརྩོན་པ་འདི་ལྟ་བུས་ཇི་ཞིག་དོན
75a6 དུ་གཉེར། བྱང་ཆུབ་སེམས་དཔས་སྨྲས་པ། ཀོའུ་ཤི་ཀ། ངའི་ལུས་ཀྱི་སྦྱིན་པ་འདིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཏེ།
75a7 སེམས་ཅན་རྣམས་འཁོར་བ་ལས་བསྒྲལ་བར་བྱའོ། །བརྒྱ་བྱིན་གྱིས་སྨྲས་པ། རྒྱལ་པོ་ཆེན་པོ། ཁྱོད་རང་གི་ལུས་ཡོངས་སུ་ཟད་པའམ། གཏོང་བའམ། ཡོངས་སུ་བཏང་བས་ཁྱོད་ཀྱི
iiif viewer powered by OpenSeadragon
