| e-texts navigator |
| Wylie |
51a1 ཐམས་ཅད་ཚང་བ། ཡུལ་གྱི་བཟང་མོ། རྒྱལ་པོ་དཔལ་གྱི་སྡེའི་ཤིན་ཏུ་ཡིད་དུ་འོང་བ་དང་། སྡུག་པ་དང་། ཕངས་པ་ཞིག་བྱུང་བར་གྱུར་ཏོ། །དགེ་སློང
51a2 དག་། རྒྱལ་པོ་དཔལ་གྱི་སྡེའི་འཛམ་བུའི་གླིང་གི་མི་ཐམས་ཅད་ལ་དཔྱ་དང་། ཤོ་ག་མ་དང་། གྲུ་བཙས་མེད་དེ། ཞིང་གི་འབྱོར་པ་དང་ལྡན་པ། སྐྱེ་བོ་རྣམས་ཞི་བ། ཁྱིམ་བྱ
51a3 རྣམས་དང་ལྡན་པའི་ཡུལ་དང་། གྲོང་ཁྱེར་དང་། གྲོང་རྡལ་དང་། ཡུལ་འཁོར་དང་། རྒྱལ་པོའི་ཕོ་བྲང་བྱུང་བར་གྱུར་ཏོ། །དགེ་སློང་དག་།རྒྱལ་པོ་དཔལ་གྱི་སྡེ་བྱང་ཆུབ
51a4 སེམས་དཔར་གྱུར་ཏེ། ཐམས་ཅད་སྟེར་བ། ཐམས་ཅད་ཡོངས་སུ་གཏོང་བ། ཆགས་པ་མེད་པར་ཡོངས་སུ་གཏོང་བ་དང་། གཏོང་བ་ཆེན་པོ་ལ་ཞུགས་ནས་ཐ་ན་རང་གི་ཤ
51a5 ཡང་གཏོང་སྟེ། དེས་མ་བྱིན་པ་དང་། ཡོངས་སུ་མ་བཏང་པ་ཅི་ཡང་མེད་དོ། །དགེ་སློང་དག་།རྒྱལ་པོ་དཔལ་གྱི་སྡེའི་རྒྱལ་པོའི་ཕོ་བྲང་ཨ་རིཥྛའི་ཤར་ཕྱོགས་ཀྱི་གྲོང་ཁྱེར
51a6 གྱི་མཐར་སྦྱིན་གཏོང་གི་གནས་བྱས་ཏེ། སྦྱིན་པ་ནི་གཏོང་། བསོད་ནམས་ནི་བྱེད་དོ། །ལྷོ་དང་། ནུབ་དང་། བྱང་གི་གྲོང་ཁྱེར་གྱི་སྒོར་སྦྱིན་པ་ནི་གཏོང་། བསོད་ནམས
51a7 ནི་བྱེད་དོ། །སུམ་མདོའི་དབུས་ན་ཡང་སྦྱིན་པ་ནི་གཏོང་། བསོད་ནམས་ནི་བྱེད་དོ། །འདི་ལྟར་ཟས་འདོད་པ་རྣམས་ལ་ནི་ཟས། སྐོམ་འདོད་པ་རྣམས་ལ་ནི་སྐོམ། བཟའ་བ་དང་།
iiif viewer powered by OpenSeadragon
