| e-texts navigator |
| Wylie |
36b1 ཟླ་འོད་ཟླ་འོད་ཅེས་མིང་དུ་གྱུར་ཏོ། །ཡང་དེའི་ཚེ་དེའི་དུས་ན་འཛམ་བུའི་གླིང་འདིར་རྒྱལ་པོའི་ཕོ་བྲང་རྡོ་བཟང་ལ་སོགས་པ། གྲོང་ཁྱེར་དྲུག་ཁྲི་བརྒྱད་སྟོང་བྱུང་བར་གྱུར་ཏེ། འབྱོར་པ་རྒྱས
36b2 པ|་བདེ་བ་ལོ་ལེགས་པ། སྐྱེ་བོ་མང་པོ་དང་། མི་མང་པོས་གང་བར་གྱུར་ཏོ། །དགེ་སློང་དག་།གཞན་ཡང་། རྒྱལ་པོ་ཟླ་འོད་ཀྱི་འཛམ་བུའི་གླིང་གི་མི་རྣམས་ལ་དཔྱ་དང་། ཤོ་གམ་དང་།
36b3 གྲུ་བཙས་མེད་དེ། ཞིང་གི་འབྱོར་བ་དང་ལྡན་པ། སྐྱེ་བོ་རྣམས་ཞི་བ་དང་། ཁྱིམ་བྱའི་སྒྲ་དང་ལྡན་པ། གྲོང་དང་། གྲོང་ཁྱེར་དང་། གྲོང་རྡལ་གྱི་སྐྱེ་བོའི་ཚོགས་དང་། རྒྱལ་པོ་དང་།
36b4 རྒྱལ་རིགས་དང་ལྡན་པར་གྱུར་ཏོ། །དགེ་སློང་དག་།ཡང་དེའི་ཚེ་དེའི་དུས་ན་འཛམ་བུའི་གླིང་གི་མི་རྣམས་ཀྱི་ཚེའི་ཚད་ལོ་བཞི་ཁྲི་བཞི་སྟོང་པར་གྱུར་ཏོ། །དགེ་སློང་དག་།རྒྱལ་པོ
36b5 ཟླ་འོད་ནི་བྱང་ཆུབ་སེམས་དཔར་གྱུར་ཏེ། ཐམས་ཅད་སྟེར་བ། ཐམས་ཅད་ཡོངས་སུ་གཏོང་བ་སྟེ། དེས་རྒྱལ་པོའི་ཕོ་བྲང་རྡོ་བཟང་ནས་བྱུང་སྟེ་གྲོང་ཁྱེར་གྱི་ཤར་ཕྱོགས་སུ་གདུགས
36b6 དང་|་རྒྱལ་མཚན་དང་། བ་དན་བསྒྲེང་སྟེ། གསེར་གྱི་རྔ་བོ་ཆེ་ཡང་དག་པར་བརྡུངས་ནས། སྦྱིན་པ་ནི་གཏོང་། བསོད་ནམས་ནི་བྱེད་དོ། །དེ་བཞིན་དུ་གྲོང་ཁྱེར་གྱི་ལྷོ་དང་། ནུབ་དང་།
36b7 བྱང་དུ་ཡང་སྦྱིན་པ་ནི་གཏོང་། བསོད་ནམས་ནི་བྱེད་དོ། །སུམ་མདོའི་དབུས་སུའང་སྦྱིན་པ་ནི་གཏོང་། བསོད་ནམས་ནི་བྱེད་དོ། །འདི་ལྟ་སྟེ། ཟས་འདོད་པ་རྣམས་ལ་ནི་ཟས། སྐོམ
iiif viewer powered by OpenSeadragon
