| e-texts navigator |
| Wylie |
348b1 སྨྲས་པ་དང་། མིག་ཀྱང་ལྡོངས་ཏེ་མི་སྣང་བར་གྱུར་ཏེ། དེའི་དུས་ན་བློན་པོ་རྣམས་ཀྱིས་རྒྱལ་པོ་ལ་སྙིང་བརྩེ་སྟེ། མྱ་ངན་བསང་བའི་ཕྱིར་མི་ལྔ་བརྒྱ་བནྡེ་ལྟར་བཅོས་ཏེ། སྐྲ་དང་། ཁ
348b2 སྤུ་བྲེག་ཏུ་སྤུ་གྲིས་མ་ཆོད་ནས། སྐྲ་དང་། ཁ་སྤུ་མེས་བསྲེགས། ཚོན་སྣ་བརྒྱ་ཡང་དེའི་ཆེ་ནུབ་པས་བནྡེ་ལྔ་བརྒྱ་ཡང་ཆོས་གོས་མི་བདོག་ནས་ཕྱུགས་ནག་པོ་དང་། དམར་པོའི་ཀོ་བ
348b3 གྱོན་ཏེ། བནྡེ་ལྟར་བཅོས་ནས་རྒྱལ་པོའི་དྲུང་དུ་འོངས་སོ། །བློན་པོས་རྒྱལ་པོ་ལ་བནྡེ་ལྔ་བརྒྱ་འོངས་སོ་ཞེས་གསོལ་པ་དང་། རྒྱལ་པོ་དགའ་ནས་མིག་ཕྱེ་སྟེ་བནྡེ་དག་ལ
348b4 བརྟགས་ན། བནྡེ་ཡང་རིལ་གྱིས་ཕྱུགས་ཀྱི་པགས་པ་གོས་སུ་གྱོན་ལ། སྐྲ་དང་། ཁ་སྤུ་མ་བྲེགས་པར་མེས་བསྲེགས་པ་ནི་མ་མཐོང་ནས་རྒྱལ་པོ་ཡང་དགའ་སྟེ། དཀོན་མཆོག
348b5 གསུམ་ལ་མཆོད་པའི་ཡོ་བྱད་འོན་ཅིག་ཅེས་བསྒོ་ནས་བནྡེ་དེ་རྣམས་ལ་མཆོད་དེ། བནྡེ་རྣམས་ལ་རྒྱལ་པོས་ཞིབ་ཏུ་བརྟགས་ན། ཕྱུགས་ཀྱི་པགས་པ་ཆོས་གོས་སུ་གྱོན་ལ།
348b6 སྐྲ་དང་། ཁ་སྤུ་མ་བྲེགས་པར་མེས་བསྲེགས་པ་གསལ་བར་མཐོང་ནས་རྒྱལ་པོ་ཉིད་སོམ་ཉི་རུ་གྱུར་ཏེ། འདི་དག་དགེ་སློང་ནི་མ་ཡིན་མོད་ཀྱི། བདག་གིས་ཅུང་ཟད་ཅིག་དྲིའོ་སྙམ
348b7 ནས་དགེ་སློང་གི་ལྟ་བ་དང་། ཚུལ་ཁྲིམས་གང་ཡིན་ཞེས་དྲིས་ན། དེ་རྣམས་གང་གིས་ཀྱང་དགེ་སློང་གི་ལྟ་བ་དང་། ཚུལ་ཁྲིམས་དང་། བརྟུལ་ཞུགས་ཅུང་ཟད་ཀྱང་མི་ཤེས
iiif viewer powered by OpenSeadragon
