| e-texts navigator |
| Wylie |
347a1 པའི་ཞལ་མ་མཐོང་སྟེ། བདག་གིས་དགྲ་བཅོམ་པ་ཞིག་གི་ཞལ་མཐོང་བར་ཤོག་ཅིག་ཅེས་སྨོན་ལམ་དུ་བཏབ་པ་དང་། འཇིག་རྟེན་གྱི་ལྷ་ཞིག་གིས་རྨི་ལྟས་སུ
347a2 བསྟན་པ། གན་དྷ་མཱད་ན་སྟེ་སྤོས་ངད་ལྡང་ཞེས་བྱ་བའི་རི་ལ་སུ་དྷ་ན་པུ་ཏྲ་རརྣ་ཤ་སྟེ་ཚོང་དཔོན་ནོར་བཟང་གི་བུ་ཞེས་བྱ་བ་རབ་ཏུ་བྱུང་བ་སུ་ར་ཏ་སྟེ་དེས་པ་ཞེས་བྱ་བར་མིང་བཏགས་པ
347a3 དགྲ་བཅོམ་པའི་འབྲས་བུ་ཐོབ་པ་ཞིག་བཞུགས་ཏེ། དེ་སྤྱན་དྲངས་ནས་བསྙེན་བཀུར་བྱས་ཏེ། དེ་ལ་སྡིག་བཤགས་ན་སྡིག་ཀྱང་འབྱང་། ཐེ་ཚོམ་ཡང་བྲལ་བར་འགྱུར་རོ་ཞེས་ལྷས
347a4 བསྟན་པ་རྨིས་པ་དང་། རྒྱལ་པོ་སད་པ་དང་འཕྲལ་དུ་ཕོ་ཉ་བཀྱེ་སྟེ། སྤོས་ངད་ལྡང་གི་རི་ལས་དགྲ་བཅོམ་པ་སུ་ར་ཏ་སྤྱན་དྲངས་ཏེ། རྒྱལ་པོའི་ཕོ་བྲང་དུ་བྱོན་པ་དང་། རྒྱལ་པོས་ཀྱང
347a5 ཚུལ་བཞིན་དུ་ཕྱག་བྱས་ཤིང་མཆོད་དེ་བསྙེན་བཀུར་བྱས་སོ། །དེའི་དུས་ན་ཚེས་བཅུ་བཞིའི་ནུབ་མོ་དགེ་འདུན་རིལ་གྱིས་འདུས་པའི་ནང་ནས། དགེ་སློང་གསར་ཞུགས་རྣམས
347a6 ཀྱིས་སྡེ་སྣོད་གསུམ་ཤེས་པའི་མཁན་པོ་ཥྱ་ཀ་ལ་པྲཱ་ཏི་མོ་ཀྵ་གདོན་པར་གསོལ་བ་ལས། ཤི་ཥྱ་ཀ་ན་རེ། མི་ལ་མིག་ཞར། སྣ་དང་། རྣ་བ་མེད་ན་མེ་ལོང་ཅི་དགོས། བལྟར་ཅི་ཡོད། འདུལ
347a7 བ་བཤད་ཀྱང་ཁྱེད་འདུལ་བ་ལྟར་མི་སྤྱོད། ཚུལ་ཁྲིམས་མི་བསྲུང་བ་ལ་འདུལ་བ་བཤད་ཀྱང་ཅི་ཕན་ཞེས་སྨྲས་པ་དང་། དེའི་ཚེ་སུ་ར་ཏ་ཞེས་བྱ་བ་དགྲ་བཅོམ་པས་སེང་གེའི་སྒྲ་བྱུང
iiif viewer powered by OpenSeadragon
