| e-texts navigator |
| Wylie |
346b1 འཛམ་བུའི་གླིང་གི་དགེ་སློང་རི་ལ་འོངས་ཏེ། ཆུ་བོ་གང་གཱའི་ཕ་རོལ་ཡུལ་ཀོའུ་ཤ་མ་བཱིའི་རྒྱལ་པོ་དུ་སྤྲས་ཧསྟའི་གནས་ག་ལ་བ་དེར་བསྡུས་པས་འཛམ་བུའི་གླིང་གི་ཡུལ་ཁམས་གཞན
346b2 ན་ཆོས་སྤྱོད་པ་དང་། དགེ་སློང་དག་མེད་པར་འགྱུར་རོ། །དགེ་སློང་བསྡུས་པ་དེའི་ཚེ་ན་ལམ་དུ་དགེ་སློང་གྱག་ཅིང་ཆུད་ཟོས་པའང་མང་སྟེ། རྒྱལ་པོའི་ཕོ་བྲང་དུ་ནི་འབུམ་ཙམ་ཞིག
346b3 ཕྱིན་པར་འགྱུར་རོ། །དགེ་སློང་ལམ་དུ་གྱག་ཅིང་ཆུད་ཟོས་པའང་གཅན་གཟན་སྣ་ཚོགས་དང་། མི་རྒོད་དང་། ཆུ་ལ་སོགས་པས་ཕལ་ཁྱེར་ཏེ་ཆུད་ཟོས་སོ། །དགེ་འདུན་མང་པོ་ཕྱིན
346b4 པ་དང་། རྒྱལ་པོས་མཆོད་སྟོན་དྲངས། ཡོན་ཕུལ་ཏེ་མཆོད་པ་བྱས་སོ། །དེའི་ཚེ་དགེ་འདུན་རྣམས་གཅིག་ལ་གཅིག་གཏམ་དུ་སྨྲས་པ། ཁྱེད་ཀྱི་མཁན་པོ་ག་རེ། སློབ་མ་གར་སོང་|
346b5 གྲོགས་པོ་ཁྲིམས་ཟླ་ག་རེ་ཞེས་སོ་སོར་གཏམ་དུ་གླེངས་པ་དང་། སྟག་དང་། སེང་གེ་དང་། མི་རྒོད་ཀྱིས་བསད་པ་དང་། ཆུས་ཁྱེར་བ་དང་། ནད་ཀྱིས་བཏབ་ནས་ཤི་བ་ལ་སོགས་པའི་གཏམ
346b6 བྱས་ནས་དགེ་སློང་སོ་སོ་ནས་མྱ་ངན་ལངས་ཏེ་ངུད་མོས་འདེབས་ཏེ་བྲང་རྡུང་ངོ་། །དེ་ནས་དེའི་ཚེ་རྒྱལ་པོས་མྱ་ངན་མ་བགྱིད་མ་དུ་ཞེས་བསྒོ་བ་དང་། དགེ་འདུན་རྣམས་མ་ཉན་པ་དང་།
346b7 རྒྱལ་པོའང་མི་དགའ་ནས་ཁ་ཕྱོགས་ཏེ་ཉལ་ལོ། །ཉལ་བའི་ཚེ་སྨོན་ལམ་དུ་བཏབ་པ། གང་ཟག་གི་དགེ་འདུན་ལ་ནི་སྐྱབས་སུ་སོང་ནས་མཆོད་པ་བྱས་ན། བདག་གིས་དགྲ་བཅོམ
iiif viewer powered by OpenSeadragon
