| e-texts navigator |
| Wylie |
346a1 བློན་པོ་རྣམས་ལ་སྨྲས་པ། ང་འཛམ་བུའི་གླིང་གི་རྒྱལ་པོ་ཆེན་པོ་བྱེད་པ་ནི་དགའ་ན། གུད་ན་མི་དགའ་བ་ཞིག་ཀྱང་ཡོད་ཅེས་སྨྲས་པ་དང་། བློན་པོ་རྣམས
346a2 ཀྱིས་སྨྲས་པ། ཅི་མི་དགྱེས་ཞེས་ཞུས་པ་དང་། སེམས་ཅན་མང་པོ་འདི་སྙེད་ཅིག་བསད་པ་སྡིག་ཆེ་བས་མི་དགའ་ན། སྡིག་འདི་ཇི་ལྟ་བུ་ཞིག་ཏུ་བྱས་ནས་སུས་འབྱང་བར་འགྱུར་ཞེས
346a3 སྨྲས་པ་དང་། བློན་པོ་རྣམས་ཀྱིས་གསོལ་པ། ཡུལ་པ་ཊ་ལི་པུ་ཏྲ་སྟེ་དམར་བུ་ཅན་ཞེས་བྱ་བ་ན་ཆོས་ཀྱི་མཁན་པོ་སྡེ་སྣོད་གསུམ་ལ་མཁས་པ། བྲམ་ཟེ་ཨག་ནི་ད་ཏི་པུ་ཏྲ་སྟེ་མེས་བྱིན་གྱི་བུ
346a4 ཞེས་བྱའོ། །མིང་ནི་ཤི་ཥྱ་ཀ་སྟེ། སློབ་མ་ཅན་ཞེས་བགྱི་བ་ཞིག་དགོན་པའི་གནས་ན་གནས་པ་དེ་སྤྱན་དྲངས་ནས་མཆོད་བཀུར་བགྱིས་ན་སྡིག་པ་འབྱང་རྔོ་ཐོགས་སོ་ཞེས་གསོལ་པ་དང་།
346a5 རྒྱལ་པོའང་དགྱེས་ནས་དགེ་སློང་ཤི་ཥྱ་ཀའང་འགུགས་པ་བཏང་ནས་རྒྱལ་པོའི་དྲུང་དུ་འོངས་སོ། །དེ་ནས་མཁན་པོ་ཤི་ཥྱ་ཀ་ལ་རྒྱལ་པོས་ཕྱག་བྱས་ཏེ། མཁན་པོ། བདག་གིས་སྡིག
346a6 བྱས་པ་རྣམས་ཅིས་འབྱང་བར་འགྱུར་ཞེས་གསོལ་པ་དང་། མཁན་པོས་སྨྲས་པ། རྒྱལ་པོ་ཆེན་པོ་དཀོན་མཆོག་གསུམ་ལ་ལོ་བཅུ་གཉིས་ཀྱི་བར་དུ་མཆོད་ཅིང་སྐྱབས་སུ་སོང་ན
346a7 སྡིག་རྣམས་འབྱང་བར་འགྱུར་རོ་ཞེས་སྨྲས་པ་དང་། དེ་ནས་རྒྱལ་པོ་དུ་སྦྲས་ཧ་སྟས་ཕོ་ཉ་མང་པོ་ཕྱོགས་བཅུར་བཏང་སྟེ། འཛམ་བུའི་གླིང་ན་དགེ་སློང་འདུག་གོ་ཅོག་བཀུག་སྟེ།
iiif viewer powered by OpenSeadragon
