| e-texts navigator |
| Wylie |
345b1 རྒྱལ་པོ་མ་ཧེན་དྲ་སེ་ནའི་ཡུལ་དུ་དྲངས་པ་ལས། ཡུལ་དུ་དམག་ཕལ་མོ་ཆེ་བྱུང་བས་རྒྱལ་པོ་སྙིང་མི་དགའ་སྟེ། མྱ་ངན་བྱེད་ཅིང་འདུག་པ་ལ་བུ་ངུ་སྤྲས་ཧ་སྟས་ཕ་ལ་དྲིས་པ།
345b2 ཡབ|་འདི་ལྟར་ཐུགས་མི་དགྱེས་པ་ཅི་ལས་གྱུར་ཅེས་ཞུས་པ་དང་། ཕ་ན་རེ། རྒྱལ་པོ་གསུམ་གྱི་དམག་བྱིན་ཆེན་པོ་བདག་ཅག་གི་ཡུལ་དུ་བྱུང་བས་མི་དགའ་ཞེས་སྨྲས་པ་དང་། བུས
345b3 སྨྲས་པ|་ཡབ|་མི་དགྱེས་སུ་མ་མཛད་ཅིག་། དམག་འདི་བདག་གིས་ཐུབ་པར་བགྱིའོ་ཞེས་བགྱིས་པ་དང་། ཕ་ན་རེ། ལེགས་སོ་ཞེས་སྨྲས་ནས། བུ་དང་། བློན་པོའི་བུ་ཡ་མཚན
345b4 ཅན་ལྔ་བརྒྱ་ལ་སོགས་ཏེ། དམག་ཉིས་འབུམ་བཅས་ཏེ་བཏང་ནས་འཐབ་མོ་བྱས་པའི་ཚེ། སྨིན་མཚམས་ན་ལྕགས་ཀྱི་སྨེ་བ་ཡོད་པ་བསྐྱེད་ནས་ལུས་རིལ་ལྕགས་སུ་བྱས་ནས་རབ
345b5 ཏུ་ཁྲོས་ནས་བརྒལ་བ་དང་། དུ་སྤྲ་ཧསྟའི་དམག་རྒྱལ་ཏེ་ཕྱིར་ལོག་པ་དང་། ཕ་ན་རེ། བུ|་ཁྱོད་ཀྱིས་རྒྱལ་པོ་གསུམ་གྱི་དམག་འདི་ལྟ་བུ་དང་འཐབ་མོ་བྱས་པ་ལས་རྒྱལ་བ་ལེགས་སོ། །ད
345b6 ཕྱིན་ཆད་ཁྱོད་ཀྱིས་རྒྱལ་སྲིད་ཟུངས་ཤིག་། ང་ནི་འབྱུང་ངོ་ཞེས་བསྒོ་ནས་རྒྱལ་སྲིད་ཀྱང་བུ་ལ་བྱིན་ནོ། །དེ་ནས་ལོ་བཅུ་གཉིས་ཀྱི་བར་དུ་རྒྱལ་པོ་གསུམ་གྱི་དམག་དང་འཐབས་པ་ལས
345b7 དམག་དཔོན་ཡང་རིལ་གྱིས་གཏུབས། རྒྱལ་པོ་གསུམ་ཡང་བཟུང་ནས་མེད་པར་བྱས་སོ། །དེ་ཚུན་ཆད་འཛམ་བུའི་གླིང་གི་རྒྱལ་པོ་ཆེན་པོ་བྱས་པར་གྱུར་ཏོ། །དེ་ནས་རྒྱལ་པོས
iiif viewer powered by OpenSeadragon
