| e-texts navigator |
| Wylie |
345a1 དུས་ན་ཆུ་བོ་གང་གཱའི་ཕ་རོལ་ལྷོ་ཕྱོགས་ཀྱི་རྒྱུད་ན། ཡུལ་ཀོའུ་ཤཱམ་བཱི་ཞེས་བྱ་བའི་རྒྱལ་པོ་མ་ཧེ་ན་དྲ་སེ་ན་ཞེས་བྱ་བ་དེ་ལ་སྲས་ཞིག་བཙས་ཏེ། དེའི་མིང
345a2 ནི་ངུ་སྦྲ་ས་ཧསྟ་ཞེས་བྱ་སྟེ། སྨིན་མཚམས་ན་ལྕགས་ཀྱི་སྨེ་བ་ཞིག་ཡོད་པ། ལག་པ་གྲུ་མོ་མན་ཆད་ཁྲག་གིས་བསྐུས་པ་ཞིག་འབྱུང་ངོ་། །དེ་དང་དུས་གཅིག་ཏུ་རྒྱལ་པོ
345a3 དེའི་བློན་པོ་ལྔ་བརྒྱ་ལའང་ཁྱེའུ་ལྔ་བརྒྱ་བཙའ་སྟེ། རིལ་གྱིས་ལག་པ་མཁྲིག་མ་མན་ཆད་ཁྲག་ཅན་དུ་འབྱུང་སྟེ། དེའི་དུས་ན་རྒྱལ་པོའི་རྟ་ལ་རྟེའུ་སྨྲ་ཤེས་པ་ཞིག་སྐྱེས་ཏེ།
345a4 རྒྱལ་པོ་དང་། བློན་པོ་དང་། རྟེའུ་སྨྲ་ཤེས་པ་སྐྱེས་པའི་ནུབ་མོའང་ནམ་མཁའ་ལས་ཁྲག་གི་ཆར་པ་བབ་ནས། རྒྱལ་པོ་མ་ཧེ་ན་དྲ་སེ་ནས་དྲང་སྲོང་གི་མཁན་པོ་ལྔ་མངོན
345a5 པར་ཤེས་པ་ཞིག་ལ་བདག་ཅག་འཁོར་གྱི་བུ་དང་། རྟག་ལ་ཡ་མཚན་འདི་ལྟ་བུ་བྱུང་བ་དང་། ཁྲག་གི་ཆར་པ་བབ་པ་འདི་ཅིའི་ལྟས་ཞེས་སྨྲས་པ་དང་། དྲང་སྲོང་ན་རེ། ཁྱོད་ཀྱི
345a6 བུས་འཛམ་བུའི་གླིང་གིས་གཞི་འདི་མིའི་ཁྲག་གིས་གཤེར་བར་བྱེད་པར་འགྱུར་རོ། །དེའི་འོག་ཏུ་ཁྱོད་ཀྱི་བུ་འཛམ་བུའི་གླིང་གི་རྒྱལ་པོ་ཆེན་པོ་བྱེད་པར་འགྱུར་རོ་ཞེས་སྨྲས་སོ། །
345a7 རྒྱལ་བུ་དེ་ཐོག་མ་བཙས་ནས་ལོ་བཅུ་གཉིས་ལོན་པ་དང་། དེའི་ཚེ་རྒྱལ་པོ་ཡ་བ་ན་དང་། བལྷི་ཀ་དང་། ཤ་ཀུ་ན་གསུམ་འདུས་པའི་དམག་གསུམ་འབུམ་རྒྱལ་པོ་དང་བཅས་ཏེ།
iiif viewer powered by OpenSeadragon
