| e-texts navigator |
| Wylie |
344b1 དེ་སྡིག་ལ་མི་འཛེམ། གཟུགས་བརྙན་དང་། མཆོད་རྟེན་རྣམས་ཁད་ཀྱིས་བཤིག་།མཆོད་པའི་ཡོ་བྱད་ཕྲི། དེའི་ཚེ་དམ་པའི་ཆོས་མ་ནོར་བར་སྤྱོད་པ་དགེ་སློང་དང་། ཁྱིམ་པ་འགའ
344b2 འགའ་ཙམ་གནས་པ་དེའི་བསོད་ནམས་ཀྱིས་ཡུལ་ཕྱོགས་སུ་ཆར་ཆུ་དུས་སུ་འབབ་ཅིང་ལོ་ལེགས། མི་རྒྱགས་ལ་ནད་ཉུང་ཞིང་ཡུལ་བདེ་བ་དག་ཀྱང་བར་འགའ་འབྱུང་། དེ་ལྟ་བུ
344b3 མི་གནས་པ་ཕལ་ཆེར་ནི་སྡུག་བསྔལ་མི་བདེ་བ་སྣ་ཚོགས་འབྱུང་། དེའི་དུས་སུ་རྒྱ་གར་དང་། རྒྱ་མ་ཡིན་པའི་རྒྱལ་པོ་ཆེན་པོ་གསུམ་འབྱུང་སྟེ། གསུམ་ལ། ཡ་བ་ན་དང་། བལྷི
344b4 ཀ་དང་། ཤ་ཀུ་ན་དང་། འདི་གསུམ་དམ་པའི་ཆོས་མི་སྤྱོད། དམག་འདྲེན་ཅིང་གཡུལ་འགྱེད་དེ། ནུབ་དང་། བྱང་གི་ཡུལ་ཁམས་མང་པོ་ཞིག་འབེབས་པར་བྱེད་དེ། དེ་ནས་ཡུལ
344b5 ཁམས་དེའི་མཆོད་རྟེན་དང་། གཙུག་ལག་ཁང་ལ་སོགས་པ་ཡང་བཤིག་ཅིང་མེས་བསྲེགས་ཏེ། དགེ་འདུན་གྱི་ཡོ་བྱད་དང་། དཀོན་མཆོག་གསུམ་གྱི་དཀོར་ལ་སོགས་པའང
344b6 བྲོགས་ཤིང་བཅོམ་སྟེ། རྒྱལ་པོ་འདི་གསུམ་གཅིག་ལ་གཅིག་གནོད་པ་སྣ་ཚོགས་ཀྱིས་འཐབ་མོ་བྱེད་དེ། གསུམ་ཅར་གྱི་རྒྱལ་སྲིད་མི་བདེ་བར་འགྱུར་རོ། །དེའི་རྗེས་ལ་རྒྱལ་པོ་དེ
344b7 གསུམ་ནང་སྲིད་གཅིག་ཏུ་བྱས་ནས་དམག་མང་པོ་འདུས་ཏེ། རྒྱ་གར་གྱི་ཡུལ་ཆུ་བོ་གང་གཱའི་ཚུ་རོལ་གནད་ར་དང་། མདྡྱ་དེ་ཤ་ལ་སོགས་པའི་ཡུལ་ཕྲོགས་ནས་བཟུང་། དེའི
iiif viewer powered by OpenSeadragon
