| e-texts navigator |
| Wylie |
342a1 འདོན་ནམ། ཀློག་གམ། རྗེས་སུ་སྤྱོད་ན། མི་ཁོམ་པ་དང་། སྡུག་བསྔལ་ལས་གྲོལ་བར་འགྱུར་རོ་ཞེས་གསུངས་སོ། །གང་ལ་ལ་ཞིག་གིས་མདོ་སྡེ་འདི་ལ
342a2 སྐུར་པ་འདེབས་པ་ནི་ཚེ་འདི་ཉིད་ལའང་ལྕེ་རྩ་བ་ནས་ཆད་པར་འགྱུར་རོ། །དེ་ནས་དགའ་བོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས། མདོ
342a3 སྡེའི་མིང་ཅིར་གདགས། ཇི་ལྟར་གཟུང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། དགའ་བོ། མདོ་སྡེ་འདི་ནི་དགེ་བ་དང་། མི་དགེ་བའི་རྒྱུ་དང་། འབྲས་བུ་ཞེས་ཀྱང་བྱ།
342a4 བྱང་ཆུབ་སེམས་དཔའི་ལམ་དང་། སྤྱོད་པ་ཞེས་ཀྱང་བྱ་སྟེ། དེ་ལྟར་ཟུངས་ཤིག། དེའི་ཚེ་བཅོམ་ལྡན་འདས་ཀྱིས་མདོ་སྡེ་འདི་བཤད་པ་ན་འཁོར་མང་པོའི་ནང་དུ་ལྷ་དང་། མི་བརྒྱད
342a5 ཁྲི་སྙེད་བླ་ན་མེད་པའི་བྱང་ཆུབ་ཏུ་སེམས་བསྐྱེད་དོ། །བུད་མེད་བརྒྱད་སྟོང་སྙེད་ནི་མོའི་ལུས་ལས་ཕོར་གྱུར་ཏེ། མི་དགེ་བའི་སེམས་ཅན་ཐམས་ཅད་ཀྱང་དགེ་བར་གྱུར་ཏོ། །
342a6 དགེ་སྡིག་རྣམ་པར་དབྱེ་བའི་མདོ་རྫོགས་སོ།། །།འཕགས་པ་ཟླ་བའི་སྙིང་པོས་ཞུས་པའི་མདོ་ལས། སངས་རྒྱས་ཀྱི་བསྟན་པ་གནས་པ་དང་། འཇིག་པའི་ཚུལ
342a7 ལུང་བསྟན་པ། སྔོན་སངས་རྒྱས་བཅོམ་ལྡན་འདས་ཤཱཀྱ་ཐུབ་པ་རི་ཁ་རྷི་རྷག་གི་སྟེང་ན་བཞུགས་ཏེ། དེའི་ཚེ་ཕྱོགས་བཅུའི་བྱང་ཆུབ་སེམས་དཔའ་སེམས་དཔའ་ཆེན་པོ་འཁོར
iiif viewer powered by OpenSeadragon
